अम्बिकापुर अस्पताल म भरती 4 लइका मनके मउत

अंजोर.अम्बिकापुर। अंबिकापुर चिकित्सा कॉलेज ले सम्बद्ध अस्पताल के एस.एन.एस.सी म भरती नान्हे लइका मनके मउत के आरो मिले हाबे। पाछू दिन ले इलाज खातिर भरती लइके मनके अचानक मउत ले परिजन मन ऊपर दुख के पहाड़ गिरगे। अइसन घटना म अभी तुरतेताही ओखी अउ सेती के गोठ करे के बजाए प्रशासन बाकी लइका मनला बने इलाज दे म जुटे हावय। उहे प्रदेश के मुखिया श्री भूपेश बघेल ह आरो पाके लइका मनके मउत गहरा दुःख व्यक्त करिन हावय। ओमन लइका के शोक संतप्त घरवाला मनके प्रति अपन सवेदना व्यक्त करे हावय। अब आगू देखना हावय के डॉक्टर अउ परिजन मन कोति ले का गोठ होही, ओ मुताबिक जिम्मेदारी तय करके उचित कार्यवाही करे के दिशा तर करे जाही।