 |
| New CG Film : "काहे के चिंता हे, कका जिंदा हे" छत्तीसगढ़ी फिल्म |
सिनेमा। छत्तीसगढ़ी सिनेमा म अब सबो किसिम के फिल्म बनत हाबे। बीस बछर के छत्तीसगढ़ म सिनेमा ह राज बने के बाद लंगत घउरे हाबे। छत्तीसगढ़ी फिल्म कहि देबे संदेश, घर-द्वार अउ मोर छइंहा भुइंया के बाद अब कोनो गिनती नइये, न ही कोनो विधा छुटे हाबे। छॉलीवुड के बांचे-खुचे कसर ल अब काहे के चिन्ता हे, कका जिन्दा हे निकाल दिही। हहो सिरतोन म ये फिल्म बने हाबे अउ ये शूटिंग तको सुरू होगे हावय बेमेतरा के करचुआ गांव म।
छत्तीसगढ़ म कका नाम बहुत छाये हाबे, कोन हरे कका यहूं सब जानते हाबे। अब देखेना हाबे के राजनीति अउ सिनेमा के बीच रील अउ रियल के घटना ल कतका समोचे जाथे। कका के बारे म जदा झन सोचे ले सिरिफ एक सिनेमा आए, अउ आन फिल्म सही मनोरंजन, गीत-संगीत, हास्य अउ एक्शन सब कुछ देखे ल मिलही।
मिले आरो के मुताबिक ये फिल्म म पवन गांधी, विक्रम राज, संजु साहू, उर्वशी साहू, पुष्पेन्द्र सिंह, उपासना वैष्णव, अंजली सिंह, डॉ अजय सहाय आदि के दमदार भूमिका देखे बर मिलही। वाय आर फिल्म सीजी प्रेजेंटर के बैनर म बनत "काहे के चिंता हे, कका जिंदा हे" के निर्माता हाबे मनोज खरे, हेमलाल चतुर्वेदी अउ येला निर्देशित करत हाबे सलीम खान।
- Movie - Kahe Ke Chinta He, Kaka Jinda He
- Producer - Manoj Khare, Hemlal Chaturvedi
- Director - Salim Khan
- Artists - Pawan Gandhi, Vikram Raj, Sanju Sahu, Urvashi Sahu, Pushpendra Singh, Upasana Vaishnav, Anjali Singh, Dr. Ajay Sahay etc.
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।