एनटीपीसी बढ़ाइस बिजली के दाम

एनटीपीसी बढ़ाइस बिजली के दाम

अंजोर.रायपुर। अगले महीना ले लागू होवइया व्हीसीए प्रभार म बड़वार के मुख्य सेती एनटीपीसी ले अगस्त अउ सितम्बर 2022 के बखत छत्तीसगढ़ स्टेट पॉवर डिस्ट्रीब्यूशन कंपनी डहर ले बिसाये गे बिजली के लागत म विद्युत नियामक आयोग डहर ले अनुमोदित दर के तुलना म 459 करोड़ रूपिया के बड़वार होना हावय। येकर विपरीत छत्तीसगढ़ राज्य विद्युत उत्पादन कंपनी ले बिसाये के जाये वाला बिजली के बिल म अनुमोदित दर के तुलना म 26 करोड़ रूपिया के कमी आये हावय। फेर एनटीपीसी के बिल म बड़वार जादा होए के सेती बिजली बिसाये के रकम म 549 करोड़ रूपिया के सकल बड़वार होगे हावय, जेकर सेती वेरिएबल कॉस्ट एडजेस्टमेंट (व्ही.सी.ए.) चार्ज म 49 पइसा के बड़वार करना पड़ी। पहिली म ये दर 61 पइसा प्रति यूनिट रिहिस, जेन अब बढकर 1.10 रूपिया प्रति यूनिट होगे हावय।

व्ही.सी.ए. के गणना सबोच दू महीना म करे जात हावय। महीना अगस्त अउ सितम्बर 2022 के बखत व्ही.सी.ए. के सेती डिस्ट्रीब्यूशन कंपनी के खरीदे गे बिजली म विद्युत नियामक आयोग डहर ले अनुमोदित दर के तुलना म 549 करोड़ रूपिया के जादा भुगतान करना पड़े हावय। एमे प्रमुख हिस्सा एन.टी.पी.सी. के  459 करोड़ रूपिया हावय, जबकि छत्तीसगढ़ राज्य विद्युत उत्पादन कंपनी के बिल म आयोग डहर ले अनुमोदित दर के तुलना म लगभग 26.51 करोड़ रूपिया के कमी आये हावय।