सारंगढ़-बिलाईगढ़ म 30 दिसंबर के होही पैरादान महाअभियान ‘खेत ले पैरा ला सकेलबो, गरूवा मन के जिनगी ला बदलबो’

अंजोर.सारंगढ़-बिलाईगढ़। किसान मनला पैरादान ले जोड़े के खातिर राज्य सरकार सरलग प्रयासरत हावय। इही कड़ी म कलेक्टर डॉ.फरिहा आलम सिद्दकी के निर्देशन म शासन के बहुआयामी गोधन न्याय योजना के तहत जिला के सबो गउठान म पुन: 30 दिसंबर के पैरादान महाअभियान मनाये जाही। जेकर तहत जादा ले जादा अकन म गउठान म पैरादान करे जाही। पैरादान महाअभियान बर किसान मन के प्रोत्साहित करे के खातिर जिला प्रशासन डहर ले खेत ले पैरा ला सकेलबो गरूवा मन के जिनगी नी बदलबो के नारा दे हावय। जानबा होवय के धान कटाई के बुता अब सिराये के तनि हावय, अइसे म कटाई के बाद बांचे वाला पैरा के जलाने के बजाय गउठान म दान करे के खातिर प्रदेस सरकार के डहर ले ये अभियान चलाये जात हावय। येकर ले पहिली सबो जिला म 1 दिसंबर के तको पैरादान महाअभियान आयोजित करे गिस रिहिस, ठीक उही रकम ले ए महाअभियान के फेर ले दोहराया जाही ताकि जादा ले जादा अकन म गउठान म पैरा संग्रहण करिन जा सके। हालांकि अभी तको किसान मन डहर ले सरलग पैरादान के प्रक्रिया जारी हावय फेर ए अभियान के अउ जादा गति दे के खातिर  फेर एक बार पैरादान महाअभियान करे जाही।