कलेक्टर श्रीमती रानू साहू ह घरघोड़ा के भेंड्रा आंगनबाड़ी केंद्र के करिन निरीक्षण, कुपोषित लइका के स्वास्थ्य के मॉनिटरिंग करे के दीस निर्देश

अंजोर.रायगढ़। कलेक्टर श्रीमती रानू साहू आज घरघोड़ा विकासखंड के दौरा म रिहिस। इहां ओमन भेंड्रा आंगनबाड़ी के निरीक्षण करिन। सीईओ जिला पंचायत अबिनाश मिश्रा तको ए बखत उपस्थित रिहिन। ओमन लइका ले मुलाकात करके उंकर हाल-चाल जाना। ए बखत ओला जाति परमान पाती तको दीस। जानबा होवय के कलेक्टर श्रीमती साहू के पहल म आंगनबाड़ी म ही लइका के जाति परमान पाती बना के दे जात रिहिन हावयं। जेकर ले आगू चल करके वो अपन पढ़ाई-लिखाई अउ शासन के योजना मन के लाभ ले म ओकर उपयोग करके सकें। एसडीएम घरघोड़ा रोहित सिंह ह बताइन के भेंड्रा आंगनबाड़ी केंद्र के सबो लइका के जाति परमान पाती बना दे हावयं।

कलेक्टर श्रीमती साहू ह आंगनबाड़ी म लइका के दे जात सुविधा के जायजा लिस। ओमन किहिन के कुपोषित लइका के पोषण आहार दे करे के संग ही उंकर स्वास्थ्य के मॉनिटरिंग करें। उंकर पालक के तको लइका के सेहत अउ खान-पान के खातिर जागरूक करें। जेकर उंकर स्वास्थ्य म जल्दी  सुधार हो। निरीक्षण के बखत ओमन आंगनबाड़ी भवन के तको मुआयना करिन। ओमन किचन म पर्याप्त साफ -सफाई रखे के खातिर निर्देशित करिन। संग ही भवन म मरम्मत योग्य बुता के जल्दीस करवाने के तको निर्देश दिस। कलेक्टर श्रीमती साहू ह ए मउका म गांव के लइका ले गोठबात करके उंकर पढ़ाई-लिखाई के बारे म तको पूछा। ओमन बच्चो के अच्छा ले पढ़ाई करे के खातिर सुभकामना दीस।