अंजोर.मुंगेली। प्राथमिक स्वास्थ्य केन्द्र दशरंगपुर म स्टाफ नर्स के रूप म पदस्थ प्रार्थी सरिता कुर्रे ह पाछु दिन थाना जरहागांव म रिपोर्ट दर्ज कराइन के किशनपुर निवासी तुलसी साहू नाम के मनखे उंकर प्राथमिक स्वास्थ्य केन्द्र परिसर निवास म संझा 7 बजे आके प्रार्थिया ले दवई मांगे लगिस जेन म प्रार्थी डहर ले हॉस्पीटल म दवई दे के बात कहे म आरोपी तुलसी साहू ह उंकर संग अश्लील गाली-गलौच करत मारपीट करिस। जेकर रिपोर्ट म थाना जरहागांव म अपराध क्रमांक 303/2022 धारा 294, 186, 332, 353 भादवि अउ छत्तीसगढ चिकित्सा सेवा संस्थान अधिनियम 2010 के धारा 4 के तहत अपराध पंजीबद्ध करके विवेचना म लिस। प्रकरण म विवेचना के बखत थाना जरहागांव डहर ले तुरते कार्यवाही करत होइस आरोपी तुलसी साहू के उंकर निवास म घेराबंदी करके गिरफ्तार करिन अउ न्यायिक अभिरक्षा म जेल भेजे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।