देवरबीजा कॉलेज के नामकरण शंकराचार्य के नाम ले होही

अंजोर.बेमेतरा। मुख्यमंत्री भूपेश बघेल बेमेतरा म आने-आने समाज अउ सामाजिक संगठन मन के प्रतिनिधिमंडल ले भेंट-मुलाकात के बखत ब्राह्मण समाज ह गौ रक्षा के खातिर ओला धन्यवाद ज्ञापित करिन। समाज के लोगन के वैदिक केन्द्र अउ धार्मिक वाचनालय के मांग म मुख्यमंत्री ह ई-वाचनालय खोले के बात कही। मुख्यमंत्री ह किहिन के देवरबीजा कॉलेज के नामकरण शंकराचार्य के नाम ले होही।

मुख्यमंत्री ह ए मउका म एक-एक करके सबो समाज अउ संगठन मन के प्रतिनिधि मन ले सामाजिक गतिविधी के संबंध म जानकारी ले के संग ही उंकर ले सरकारी योजना मन अउ कार्यक्रम के क्रियान्वयन के संबंध म तको फीडबैक लिस। ओमन आने-आने सामाजिक संगठन मन के मांग म साहू समाज के भवन बनाये के खातिर 30 लाख रूपए, छत्तीसगढ़ गौर ब्राम्हण समाज के भवन के उन्नयन के खातिर 10 लाख रूपए, गोस्वामी समाज के पेडेटराई म जिला स्तरीय भवन के खातिर 20 लाख रूपए, साहू समाज के खातिर बेमेतरा म भवन बर 20 लाख रूपए, राजस्थानी गौर समाज के भवन जीर्णोंद्धार के खातिर 10 लाख रूपिया अउ वाद्ययंत्र के खातिर 2 लाख रूपिया स्वीकृत करे के घोसना करिस।

छत्तीसगढ़ गौर ब्राम्हण समाज ह जन्माष्टमी म मांस-मदिरा बंद करे म मुख्यमंत्री के धन्यवाद दीस। मुख्यमंत्री ह समाज के प्रतिनिधि मन ले किहिन के सबो नगर पंचायत म कृष्ण कुंज तको बनाये जात हावय। आदिवासी गोड़ समाज के प्रतिनिधि मन डहर ले बेमेतरा म पोस्ट मैट्रिक कन्या छात्रावास के मांग म मुख्यमंत्री ह सहमति जतायी। धोबी समाज अउ देवांगन समाज के प्रतिनिधिमंडल ह पहिली म भवन के खातिर 20 लाख रूपिया के रकम दे म मुख्यमंत्री के धन्यवाद दे। इही रकम ले मानिकपुरी पनिका समाज ह पहिली म साजा अउ मुसवाडीह म भवन के खातिर 20 लाख रूपिया अउ कलार समाज ह तको 20 लाख रूपिया दे के घोसना म मुख्यमंत्री के धन्यवाद दे। मुस्लिम समाज डहर ले जमीन के मांग म मुख्यमंत्री ह कलेक्टर के निर्देशित करिन। मुख्यमंत्री ह नगर झेरिया समाज के जमीन आबंटन करे किहिन। इही रकम ले सेन समाज ह निर्माणाधीन भवन म आहता बनाये के खातिर रकम के मांग म मुख्यमंत्री ह पहिली भवन बनाये के बुता पूरा करे के बात कहिस।

मुख्यमंत्री ह गांव ढोकला म अतिक्रमण हटाने के निर्देश  अधिकारी मनको दिस। मेहर समाज डहर ले चर्म शिल्प बोर्ड बनाये के खातिर मुख्यमंत्री के आभार व्यक्त करिन। मुख्यमंत्री ह देवांगन समाज के प्रतिनिधि मन के समाज के युवा मन के रीपा म बुता करे के सलाह दीस। ओमन समाज के प्रतिनिधि मन के गेलौली म गांव रामपुर (भाड़) म बिजली विद्युत विस्तार के आश्वासन दे। महारा समाज के प्रतिनिधि मन डहर ले जाति परमान पाती के खातिर अंग्रेजी म जाति के उल्लेख करे के बात कही। दिव्यांग मन डहर ले भवन लोन अउ अनुदान रकम बढ़ाये के मांग म सकारात्मक पहल करे के आश्वासन दे। मुख्यमंत्री ह वैष्णव समाज, ठेठवार समाज, गुप्ता समाज, गंधर्व समाज, झेरिया गडरिया समाज डहर ले जमीन अउ भवन के खातिर रकम के मांग म सुझाव दे के पहिली जमीन समाज के नाम करें उंकर बाद प्रक्रिया मुताबिक रकम मंजूर करे जाही।