 |
| राष्ट्रीय बाल विज्ञान कांग्रेस |
अंजोर.रायपुर। विज्ञान अउ प्रौद्योगिकी छत्तीसगढ़ के बाल वैज्ञानिक अहमदाबाद जाही अउ उहां आयोजित राष्ट्रीय बाल विज्ञान कांग्रेस म हिस्सा लेही। राजधानी रायपुर म आयोजित राज्य स्तरीय बाल विज्ञान कांग्रेस म ये लइका के चयन करे गे हावय। छत्तीसगढ़ विज्ञान एंव प्रौद्योगिकी परिषद् डहर ले आयोजित राज्य स्तरीय आयोजन के समापन म बाल वैज्ञानिक के नाम के घोसना करे गे हावय।
राज्य स्तरीय बाल विज्ञान कांग्रेस म के समापन कार्यक्रम के संबोधित करत छत्तीसगढ़ विज्ञान अउ प्रौद्योगिकी के महानिदेशक डॉ. एस. कर्मकार, ह किहिन के ये आयोजन लइका म उंकर रचनात्मकता अउ नवाचार सोच के परिणाम तक पहुंचे म मद्द करत हावय। हमन ल लइका के अनुसंधान के क्षेत्र म अग्रसर होए के खातिर हमेशा प्रेरित अउ प्रोत्साहित करना चाही।
पं. रविशंकर विश्वविद्यालय के कुलपति प्रो. के. एल. वर्मा ह किहिन लइका म वैज्ञानिक रूचि विकसित करे के खातिर ये आयोजन सराहनीय हावय। जानबा होवय के ए साल राष्ट्रीय बाल विज्ञान कांग्रेस एक ले तीन दिसम्बर तक पारिस्थितिक तंत्र, स्वास्थ्य अउ कल्याण के थीम म आयोजित करे गे ए आयोजन म बाल वैज्ञानिक कोति ले केऊ नवाचार अउ शोधकार्य प्रस्तुत करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।