मां दंतेश्वरी सहकारी शक्कर कारखाना बालोद म गन्ना खरीदी अउ पेराई सुरू

मां दंतेश्वरी सहकारी शक्कर कारखाना बालोद म गन्ना खरीदी अउ पेराई सुरू

अंजोर.बालोद। कलेक्टर कुलदीप शर्मा के निर्देश के मुताबिक जिला के बालोद विकासखण्ड के गांव करकाभाट मां दंतेश्वरी मैय्या सहकारी शक्कर कारखाना म आज गन्ना खरीदी अउ पेराई बुता के सुरू करे गिस। ए बखत सत्र 2022-23 म मां दंतेश्वरी मैय्या सहकारी शक्कर कारखाना के खातिर सबले पहिली गन्ना आपूर्ति करे वाला गांव बेलमाण्ड के किसान जामंत राम ल श्रीफल ले स्वागत करे के बाद धर्मकांटा म तौलाई करके गन्ना खरीदी के विधिवत् सुरू करे गिस। येकर बाद किसान मन डहर ले लाए गे गन्ना के तौलाई करके ट्राली ले केन केरियर म गन्ना डालके गन्ना खरीदी के संग पेराई बुता के तको विधिवत सुरू करे गिस।

ए बखत गन्ना किसान पुनाराम, गिरीश, विरेन्द्र अउ बल्दू राम के डहर ले गन्ना खरीदी के पहिली दिन गन्ना ल बेचे गिस। मां दंतेश्वरी मैय्या सहकारी शक्कर कारखाना के प्रबंध संचालक राठिया ह बताइन के मौजूदा सत्र म कुल 1148 किसान मनके 1170 हेक्टेयर गन्ना के रकबा पंजीकृत हावय। ए बखत मां दंतेश्वरी मैय्या सहकारी शक्कर कारखाना के अध्यक्ष बल्दूराम साहू डहर ले अवइया किसान मनके गन्ना कारखाना प्रबंधन डहर ले गन्ना खरीदी बर सबो तैयारी पूरा करे के जानकारी दीस। ओमन किसान मन के गन्ना बेचे बर ओला जारी करे  गे टोकन के मुताबिक साफ-सुथरा अउ परिपक्व गन्ना के आपूर्ति करे के निवेदन तको करे गिस। ए बखत मां दंतेश्वरी मैय्या सहकारी शक्कर कारखाना के उपाध्यक्ष शंकर नायक सहित संचालक मण्डल के सदस्य मन अउ किसान मनके अलावा किसान संघ के पदाधिकारी छगन देशमुख अउ तेजराम साहू के अलावा गन्ना कारखाना के अधिकारी, कर्मचारी उपस्थित रिहिस।