अजमेर ले पहुंचिस गुर्जरी 110 छेरी, 16 महीना म 80 किलो के बोकरा हो जाथे तइयार

अंजोर.दुर्ग। गौठान म गिर अउ साहीवाल नस्ल के गौवंश के संग अब उच्च नस्ल के छेरी तको बांटे जात हावयं। आज अजमेर ले सिरोही, कोटा अउ गुर्जरी नस्ल के बकरा-बकरी लाये गिस। 36 घंटा के सफर तय करके बोरी पहुंचिस ये मवेशी ल कुछ समय सुस्ताये के बाद इंकर गउठान म पहुंचिस दे गिस। ए संबंध म जानकारी देत जिला पंचायत सीईओ अश्विनी देवांगन ह बताइन के मुख्यमंत्री भूपेश बघेल के मंशानुरूप कलेक्टर पुष्पेंद्र कुमार मीणा के निर्देश के मुताबिक गउठान के मल्टी एक्टिविटी सेंटर बनाये हावय अउ पशुधन के विस्तार के खातिर तइयार करे हावय।

गौवंशी मवेशी के नस्ल सुधार म काम होत रिहिस अब बकरीपालन ल बढ़ावा दे के दिशा म तको बुता करे जात हावय। ए संबंध म जानकारी देत होइस जनपद पंचायत के एडीईओ राघवेंद्र सिंह ह बताइन के सिरोही प्रजाति के छेरी के खासियत मीट हावय। 16 महीना म बोकरा के वजन 80 किलो तक हो जाथे। प्रेग्नेंसी के बाद साढ़े पांच महीना म एक बेबी के जनम होवत  हावय। फेर उतने ही अंतराल के बाद दू बेबी के जनम होवत  हावय। ये छेरी के आये के बाद स्थानीय छेरी के नस्ल सुधार के अच्छा संभावना बनही। संग ही गउठान म आजीविकामूलक गतिविधि बढ़ये ले आय के तको विस्तार होही।

जानबा होवय के आज धमधा ब्लाक के पथरिया, डोमा, कोडिया, बोरी, नंदिनीखुंदिनी, बिरेभाठ, कपसदा, गोढ़ी, मातारा म ये छेरी के सेट भेजे गये। जानबा होवय के येकर संग ही ये गउठान म बायोफ्लाक के माध्यम ले मछरी उत्पादन के बुता तको सुरू करे जात हावय। ए रकम ले ले पशुपालन के समग्र विकास के लाभ गउठान के स्वसहायता समूह के दीदियां उठा सकेंगी। आज जब ये छेरी आईं त एमन ल देखे के उत्साह रिहिस अउ गउठान म ग्रामीण देखे आये के सिरोही अउ गुर्जरी प्रजाति के छेरी हमर स्थानीय छेरी ले कोन रकम ले ले आने दिखत हावयं।