 |
| भानुप्रतापपुर उप निर्वाचन के मतदान शांतिपूर्ण संपन्न |
अंजोर.रायपुर। भानुप्रतापपुर विधानसभा उप निर्वाचन के खातिर मतदान शांतिपूर्ण ढंग ले संपन्न होगे। मतदान के बखत कोनो तको रकम ले के अप्रिय घटना के सूचना नइ आइस। उप निर्वाचन बर कुल 256 मतदान केन्द्र म सफलतापूर्वक मतदान संपन्न कराइन। छत्तीसगढ़ के मुख्य निर्वाचन पदाधिकारी श्रीमती रीना बाबा साहेब कंगाले ह सरी मतदान प्रक्रिया शांतिपूर्ण अउ निर्बाध रूप ले संपन्न कराये के खातिर निर्वाचन बुता म संलग्न सबो अधिकारी मन-कर्मचारी अउ मतदान करमी ल धन्यवाद दे हावय।
भानुप्रतापपुर विधानसभा निर्वाचन क्षेत्र के रिटर्निंग ऑफिसर कार्यालय ले मिले जानकारी के मुताबिक भानुप्रतापपुर विधानसभा क्षेत्र म कुल एक लाख 95 हजार 822 वैध मतदाता रिहिस। एमे 95 हजार 266 पुरूष अउ एक लाख 555 महिला मतदाता रिहिस। मतदान दिन के मंझनिया तीन बजे तक मतदान के समाप्ति के बाद अन-अंतिम आंकड़ा के मुताबिक मतदान के कुल परतिसत 71.74 रिहिन। विधानसभा क्षेत्र के 73.25 परतिसत पुरूष मतदाता अउ 70.31 परतिसत महिला मतदाता ह अपन मताधिकार के प्रयोग करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।