मेजर ध्यानचंद के पुण्यतिथि म नमन करिस मुख्यमंत्री

अंजोर.रायपुर। मुख्यमंत्री भूपेश बघेल ह हॉकी के जादूगर पद्म भूषण मेजर ध्यानचंद के 03 दिसम्बर के पुण्यतिथि म ओला नमन करिन। मेजर ध्यानचंद के उपलब्धि अउ खेल के क्षेत्र म उंकर अमूल्य योगदान ल सुरता करत श्री बघेल ह किहिन के मेजर ध्यानचंद के जादुई खेल ले भारत के ओलंपिक खेल म तीन स्वर्ण पदक हासिल होइस। मेजर ध्यानचंद ल खेल के प्रति समर्पण अउ देश प्रेम के भावना हम सबके खातिर प्रेरणास्पद हावय। ओला भारत सरकार डहर ले देश के प्रतिष्ठित पुरस्कार पद्म भूषण ले सम्मानित करे गे हावय। उंकर जन्मदिन के भारत म राष्ट्रीय खेल दिन के रूप म मनाये जाथे। मुख्यमंत्री ह किहिन के मेजर ध्यानचंद अपन प्रतिभा अउ हॉकी के प्रति समर्पण, प्रेम अउ अनुशासन ले भारत म हॉकी के पहचान बनगे हावयं।