राज्य स्तरीय गीता जयंती समारोह 3 दिसम्बर के रतनपुर म

राज्य स्तरीय गीता जयंती समारोह 3 दिसम्बर के रतनपुर म

अंजोर.रायपुर। राज्य स्तरीय गीता जयंती समारोह के आयोजन 3 दिसम्बर के महामाया मंदिर रतनपुर जिला बिलासपुर म करे जाही। गीता जयंती समारोह म छत्तीसगढ़ संस्कृत विद्यामंडलम् के अध्यक्ष डॉ. सुरेश शर्मा अउ योग आयोग के अध्यक्ष डॉ. ज्ञानेश शर्मा पहुना के रूप म सामिल होही। छत्तीसगढ़ संस्कृतिक विद्यामंडलम् अउ महामाया मंदिर ट्रस्ट रतनपुर के तत्वाधान म ये आयोजन करे जात हावय।

गीता जयंती समारोह म छत्तीसगढ़ संस्कृतिक विद्यामंडलम् के सदस्य डॉ. तोयनिधि वैष्णव, पूर्व अध्यक्ष बक्शी शोधपीठ डॉ. रमेन्द्रनाथ मिश्र, प्रो. पार्थ सारथी राव, अध्यक्ष महामाया वैदिक मंदिर ट्रस्ट समिति रतनपुर आशीष तको सामिल होही। गीता जयंती के मउका म पहुना मन के स्वागत गीता पाठ डहर ले करे जाही। समारोह म विद्वान मन डहर ले गीता के महत्ता म प्रकाश डाले जाही।