स्काई वाक जांच के मामला एसीबी अउ ईओडब्ल्यू ले

स्काई वाक जांच के मामला एसीबी अउ ईओडब्ल्यू ले

अंजोर.रायपुर। राज्य शासन डहर ले स्काई वाक बनाये के प्रकरण म अनियमितता पाए जाये म येकर जांच के मामला एसीबी अउ ईओडब्ल्यू (EOW) के सौंपे के फइसला ले हावय।

पढ़व का हावय मामला- 77 करोड़ के परियोजना के जान बूझके 2 बार म प्राक्कलन तइयार करे गिस ताकि PFIC ले मंजूरी के जरूरत  नी रिहिन। PFIC के माध्यम ले कोनो तको परियोजना के जन हित के संबंध म परीक्षण करे जाथे, जेन के स्काई वाक बनाये के प्रकरण म नइ करे गे हावय।

विधानसभा निर्वाचन 2018 के अधिसूचना जारी रेहे के बखत ही लोक निर्माण विभाग डहर ले पुनरीक्षण प्रस्ताव तइयार करके 05 दिसम्बर 2018 के वित्त विभाग के भेजे गिस, जेन आचार संहिता के साफ उल्लंघन हावय। साफ हावय ये बुता विभाग के पदाधिकारी मन अउ ठेकेदार के अनुचित लाभ पहुंचाये के उद्देश्य ले करे गे हावय।

लोक निर्माण विभाग डहर ले स्काई वाक बनाये के पहिली निविदा 04 फरवरी 2017 के जारी करे गे अउ निविदा प्रस्तुत करे बर मात्र 15 दिन के समय दे गिस। 04 फरवरी तक प्रकरण म वित्त विभाग ले प्रशासकीय स्वीकृति तको मिले नइ रिहिस। 15 दिन मात्र के निविदा बर कोनो जरूरत  अउ औचित्य नइ दर्शाये गे हावय, न सक्षम स्वीकृति मिले हावय।