 |
| अवधी बाई के घर तको हागे अब प्रधानमंत्री घर योजना ले पक्का |
अंजोर.कोरिया। विकासखण्ड बैकुण्ठपुर के गांव कसरा के अवधी बाई पहिली कच्ची घर म अपन परिवार के संग रहत रिहिस। बरसात ले पहिली पानी टपके के डर, गरमी ले पहिली टूटी खपरैल छत ले आत धूप अउ ठण्ड म जादा ठण्ड के संग जिनगी लिये म मजबूर अवधी बाई के जिनगी म तब खुसयाली आइस जब ओला प्रधानमंत्री घर योजना के बारे म पता चलिस।
अवधी बाई के कहना हावय के एक समय रिहिस जब टपकत छत, दीवार म सीलन ले कच्चा घर म रहना मुश्किल रिहिस, फेर आज मोर खुद के सुंदर साफ पक्का घर बनके तइयार हावय। वो बताइन के ओला छत्तीसगढ़ शासन के मदद ले साल 2019-20 म अनुदान मिलिस अउ येकर ले ओमन पक्का घर बनवाइस, जेकर खातिर वो छत्तीसगढ़ शासन के धन्यवाद देत हावयं।
जानबा होवय के छत्तीसगढ़ शासन, प्रधानमंत्री घर योजना के तहत लोगन के उंकर अपन घर के सपना के पूरा करे म मदद करत हावय। मुख्यमंत्री भूपेश बघेल के निर्देश के मुताबिक प्रदेस म योजना ले पक्का घर बनाये के बुता तेजी ले जारी हावय। जिला म अइसे ही कई आर्थिक रुप ले कमजोर परिवार शासन के मदद ले लाभान्वित होइस हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।