घोटिया म सियान के होए कत्ल के गुत्थी सुलझाइस कांकेर पुलिस, चार आरोपी गिरफ्तार

अंजोर.कांकेर। घोटिया गांव के बुजुर्ग मनखे के अंधा कत्ल के गुत्थी सुलझाइस कांकेर पुलिस। पकड़ाये चारों आरोपी मृतक के बेटा ह निकलिस हत्या के मास्टर माईन्ड। सगे बेटा अउ चचेरा भाई ह आन संगी के संग मिलके दे रिहिस घटना ल अन्जाम। मृतक देवी देवता के पूजा, बैगा गुनिया के काम करत रिहिस। मृतक गांव देवी देवता के अर्जी विनती अपन हिसाब ले करे अउ लोगन म थौंस जमाये के सेती गांव वाला बेटा ल ताना मारे। मृतक ह अपन बेट ल फसल के पइसा दे ले मना करे रिहिस। गांव वाला के ताना ले अपमानित होए अउ हाल म पइसा के लेन देन म विवाद के सेती हत्या के घटना ल अंजाम दिस।

मिले आरो के मुताबिक पुलिस टीम के सरलग गांव म कैम्प करके पुछताछ अउ विवेचना म ये बात के खुलासा होइस। पुलिस ह घटना म प्रयुक्त रस्सी अउ डण्डा अउ पहचान छुपाये बर मुंह ढंके म प्रयोग करे गिस गमछा अउ मोटरसायकल, घटना के समय आरोपी के पहना, कपड़ के करे गिस जप्त। गिरफ्तार आरोपी 1.तुरसेन कुमेटी पिता स्व. दरीयाब कुमेटी उमर 27 साल सा. घोटिया 2. नरसींग कुमेटी पिता स्व. दरीयाब कुमेटी उमर 25 साल सा. घोटिया हाल साल्हेभाट पीढ़ापाल 3. सनत कुमार दुग्गा पिता नंदलाल दुग्गा उमर 23 साल सा. घोटिया 4. अजय कुमेटी पिता दयालु कुमेटी उमर 23 साल सा. घोटिया।