 |
| बेटा ही निकलिस बाप के हत्यारा, 1 साल बाद होइस अंधा कत्ल के खुलासा |
अंजोर.महासमुन्द। थाना मौदहापारा रायपुर 0/33/22 धारा 174 ज.फौ. के मृतक जनक राम साहू पिता मंशा राम साहू उमर 55 साल सा. गांव कोसरंगी थाना महासमुन्द के मर्ग डायरी मिले के बाद थाना महासमुन्द असल मर्ग क्रमांक 63/22 पंजीबध्द करके जांच पंचनामा कार्यवाही म लिस।
पुलिस अधीक्षक डहर ले ये सूचना के गंभीरता ले लेत थाना सिटी कोतवाली के टीम के डहर ले घटना जगह पहुंच करके बारिकी ले जाच करे बर निर्देशित करिन जेमा ये टीम डहर ले घटना के बारिकी ले निरीक्षण करे गिस। पी.एम. रिपोर्ट, अज्ञात आरोपी डहर ले कोनो धार जिनिस ले मार करके चोट पहुंचाके हत्या करे पाये जाये ले अज्ञात आरोपी के विरूध्द थाना महासमुन्द अपराध क्रमाक 34/23 धारा 302 भादवि पंजीबध्द करके विवेचना म लिस। थाना महासमुन्द पुलिस के टीम घटना जगह मउका पहुंच के घटना निरीक्षण करके मृतक के बारे म आने-आने टीम गठित करके छोटे ले छोटे जानकारी अउ परिवार संबंधी, भूमि बटवारा संबंधी अउ मृतक के निजी जिनगी के संबंध म जानकारी सकेले करे गिस।
विवेचना के बखत पता चलिस के मृतक के अपन बेटा शंकर लाल साहू के संग संबंध अच्छा नइ रिहिस पइसा के लेके अक्सर वाद विवाद होवत रहय। जेकर आधार म पुलिस के टीम डहर ले संदेही शंकर लाल साहू के पुलिस अभिरक्षा म लेके पूछताछ करे सुरू करे गिस। जेन म संदेही डहर ले पुलिस के मनगढ़त बात कहिके गोल मोल जवाब दे लगे। जेला कड़ाई अउ बारिकी ले पूछताछ करे म अपन अपराध ल नइ छीपा सकिस अउ अपराध करे ल स्वीकार करिन।
मिले आरो के मुताबिक मृतक जनक राम साहू अपन सायकल ले पइसा निकाले के खातिर महासमुन्द बैंक आये रिहिस संझा हो जाये सेती मोंगरा निवासी अपन भाई लखन साहू के इहा रूकगे। उहा ले अपन बेटा शंकर लाल साहू के फोन लगवा के लेगे खातिर मोटर सायकल ले बुलाइस। फेर दोनो बाप-बेटा गांव कोसरंगी आगे।
आरोपी शंकर लाल साहू के डहर ले अपन पिता ले जे.सी.बी. वाला के पइसा दे खातिर 6000 रूपिया के मांग करिन। तब उंकर पिता जी के डहर ले पइसा दे ले मना करत आरोपी ल डाटा फटकारा दीस अउ पइसा दे ले मना करके दीस। जनक राम साहू मंझनिया अपन सायकल के ले खातिर पैदल ही घर ले गांव मोंगरा के खातिर निकल गे। पइसा नइ दे के बात लेके आरोपी बहुत गुस्सा म रिहिस इही सेती मृतक ल अपन मोटर सायकल ले पीछा करत गुरूकुल आश्रम कोसरंगी के कच्ची रोड के कोति गिस जिहा रद्दा म ओकर पिता जनक राम साहू मिलगे तब आरोपी अपन मोटर सायकल के खड़ा करके अपन पास रखे धारदार चाकू ले पाछु ले कनिहा म घोप दीस। तब मृतक जनक राम साहू के डहर ले मुड़ के देखे अउ शंकर लाल साहू ल तोला देख लूंहू कहि के रोड के कोति दौड़गे तब आरोपी अपन मोटर सायकल लेके घर के तनि आ गे। अउ घटना म प्रयुक्त चाकू अउ पहने शट के घर के कमरे म रख दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।