अम्लोर सिरपुर कत्ल कांड के होइस खुलासा, पत्नी ह अपन प्रेमी संग मिलके पति के करिस हत्या

अंजोर.महासमुंद। सिरपुर अम्लोर के जंगल म मिले अज्ञात लाश के संबंध म पुलिस आज बड़का खुलासा करत मामला के फरि-फरकत करे हावय। मिले आरो के मुताबिक पुलिस ल कुछ मामला म मृतक रवि के पत्नी के उपर ही शक होइस अउ उही ल घेरी-बेरी पुछताछ करे म जुर्म कबुल कर डरिस। पुलिस के बताती मृतक रवि पत्नी के विक्की ले जान पहचान रिहिस, ऐ बात के आरो ओकर पति ल होगे रिहिस। अऊ ओकर पत्नी ह अपन प्रेमी विक्की‍ संग मिलके रसता ले हटाये के साजिस करिस। आरोपी विक्की ल योजना बनाके रवि ल एक अऊ आन लड़की परमेश्वीरी के जरिसे फांस के जंगल म बुलाइस अउ तीनों मिलके रवि के हत्या कर दीस। पुलिस तीनों आरोपी ल पकड़के जेन पठोवत हावय।