 |
| प्रधानमंत्री किसान सम्मान निधि योजना |
अंजोर.महासमुंद। प्रधानमंत्री किसान सम्मान निधि योजना ले लाभान्वित होवइया के खातिर सबो हितग्राही मन के आधार सीडिंग, ई-केवायसी अउ लैंड सीडिंग अनिवार्य कर दे हावय। आधार सीडिंग, ई-केवाईसी अउ लैंड सीडिंग के खातिर आखरी तिथि 31 जनवरी 2023 करार करे गे हावय। उप संचालक कृषि ह जानकारी देत बताइन के आखरी तिथि के पहिली पात्र किसान हितग्राही के आधार सीडिंग, ई-केवायसी अउ लैंड सीडिंग कराये जाना अनिवार्य हावय। नहिते हितग्राही मनला येकर लाभ नइ मिल पाही।
ओमन बताइन के जिला म बहुत ले किसान अभी तको ई-केवाईसी नइ कराये हावय। ओमन जिला के सबो पात्र हितग्राही मनला 31 जनवरी के पहिली आधार सीडिंग, ई-केवाईसी अउ लैंड सीडिंग कराये के अपील करे हावय। ई-केवाईसी के खातिर योजना ले पंजीकृत किसान नजदीक के लोक सेवा केन्द्र ले संपर्क करके ई-केवाईसी बायोमेट्रिक पद्धति ले ई-केवाईसी के प्रक्रिया पूरा करें या अपन स्वयं के मोबाईल ले प्रधानमंत्री किसान सम्मान निधि पोर्टल पोर्टल म आधार नंबर के डहर ले ओ.टी.पी. के माध्यम ले प्रक्रिया के पूरा करें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।