मुख्यमंत्री भूपेश बघेल ह ‘राष्ट्रीय बालिका दिवस’ म नोनी मनला दीस बधाई

राष्ट्रीय बालिका दिवस म नोनी मनला बधाई

अंजोर.रायपुर। मुख्यमंत्री भूपेश बघेल ह राष्ट्रीय बालिका दिवस के मउका म सबो बेटी मनला बधाई अउ उंकर उज्जवल भविष्य के खातिर सुभकामना दीस हावयं। ओमन अपन बधाई संदेश म किहिन के बेटी मन के अधिकार के प्रति समाज म जागरूकता लाने, बेटा-बेटी मन के बीच असमानता ल दूरिहा करे के उद्देश्य ले हर साल 24 जनवरी के राष्ट्रीय बालिका दिवस मनाये जाथे। बघेल ह किहिन के नोनी मन देश-प्रदेश, समाज अउ परिवार के गौरव होवत हावयं। ओला सशक्त बनाये के खातिर सुरक्षित अउ सहज माहौल दे के जरूरत हावय। येकर खातिर समाज के जादा जागरूक होए के जरूरत  हावय।

श्री बघेल ह किहिन हावय के ये गर्व अउ खुशी के बात हावय के लिंगानुपात म छत्तीसगढ़ देश के राज्य म अव्वल हावय। ये छत्तीसगढ़ म महिला मन के सम्मान के परम्परा अउ बहन, बेटी मन अउ महतारी मन के खातिर बढि़या वातावरण ले संभव होइस हावय। इही सेती आज बेटी मन हर क्षेत्र म आगू बढ़त हावयं। ओमन किहिन हावय के बेटी मन खूब पढें, निडर होके आगू बढ़ें, अपन सपना साकार करें अउ घर-परिवार के संग देश-प्रदेश के उन्नति म तको सहभागी बने। राज्य सरकार के सहयोग हमेशा उंकर संग हावय।