तलवार ले लोगन ल डरवात युवक ल आर्म्स एक्ट म धरिस घरघोड़ा पुलिस

अंजोर.रायगढ़। घरघोड़ा पुलिस डहर ले मेडिकल स्टोर के आगू तलवार ले लोगन के डरात युवक के पास ले एक धारदार लोहा के तलवार जप्त करके आरोपी युवक म 25, 27 आर्म्स एक्ट के कार्रवाई करके न्यायिक रिमांड म भेजे गे हावय।

जानकारी के मुताबिक काली रतिहा थाना प्रभारी घरघोड़ा निरीक्षक हर्षवर्धन सिंह बैस के स्थानीय रहवासी ले सूचना मिले  के ब्लाक कालोनी के कपिल पटनायक एक तलवार लेके विरेन्द्र कुमार गुप्ता के मेडिकल स्टोर के आगू तलवार लहरात लोगन ल डरात धमकात रिहिस। थाना प्रभारी घरघोड़ा ह थाना के सहायक उप निरीक्षक राम संजीवन वर्मा, एएसआई राजेश मिश्रा, आरक्षक उधो पटेल, पुरूषोत्तम सिदार के तुरते मउका म पहुंचे के निर्देश दिस। पुलिस स्टाफ मउका म पहुंचके आरोपी युवक कपिल पटनायक ले सुरक्षापूर्वक लोहा के तलवार जप्त करके थाना लाने गिस । आरोपी कपिल पटनायक पिता स्व. सुभाष पटनायक उमर 22 साल सा. वार्ड नंबर 02 कन्या स्कूल के पाछु घरघोडा म थाना घरघोड़ा म 25, 27 आर्म्स एक्ट के कार्रवाई करके आरोपी के रिमांड म भेजे गे हावय।