नौकरी के नाम म ठगी गिरोह के एक आरोपी गिरफ्तार

नौकरी के नाम म ठगी गिरोह के एक आरोपी गिरफ्तार

अंजोर.रायगढ़। कोतवाली पुलिस डहर ले जॉब इश्तिहार के जरिए हरेक आवेदक ले 1549 रूपिया ऑनलाइन रजिस्ट्रेशन फीस लेके ठगी करइया गिरोह के एक आरोपी सज्जाद अंसारी निवासी बाजीनपाली थाना जूटमिल के गिरफ्तार करके धोखाधड़ी के मामला म न्यायिक रिमांड म भेजे गे हावय। आरोपी अपन संगी प्रेम कुम्हार (छद्म नाम) वास्तविक नाम- असलम निवासी लखनऊ (उत्तर प्रदेश) के संग मिलके शहर के आने-आने चौक चौराहा म जॉब के इश्तिहार चस्पा के बेरोजगार नोनी ल जॉब के नाम म रजिस्ट्रेशन फीस 1549 रूपिया लेके बजाज कंपनी के एक जॉइनिंग लेटर देके ठगी करे गे हावय। मिले आरो के मुताबिक मामला के गंभीरता के देखत वरिष्ठ पुलिस अधीक्षक अभिषेक मीना के दिशा निर्देशन अउ एडिशनल एसपी संजय महादेवा अउ सीएसपी अभिनव उपाध्याय के मार्गदर्शन म मामला के बारीकी ले जांच पतासाजी करके आरोपी मनके पता लगाये गिस अउ एक आरोपी ल गिरफ्तार करे गे हावय।

जानकारी के मुताबिक बैकुंठपुर रायगढ़ म रहइया अंशु यादव पिता स्वर्गीय बाल मुकुंद यादव (25 साल) डहर ले 26 नवंबर 2022 के थाना कोतवाली म लिखित आवेदन देके धोखाधड़ी के रिपोर्ट दर्ज कराये गे रिहिस। पीड़ित नोनी बताई के महीना अक्टूबर 2022 म शहर के कई जगह जॉब के पोस्टर दिवाल, खंभा म चिपके रिहिस। पॉम्प्लेट देखके जानकारी होइस के नगर निगम कॉम्प्लेक्स म कंपनी के एक ऑफिस म नोनी के आफिस रिसेस्निस्ट के जॉब के भरती ले जाथे। जिहां जाके इंटरव्यु दीस अउ सलेक्ट हो गे। ऑफिस जाके पता करे म ऑफिस म एक मनखे अपन नाम प्रेम कुम्हार बताइन जेन स्वयं के जियो लाइफ इंडिया प्राइवेट लिमिटेड कंपनी के होना बताइन अउ 1549 लेके बजाज कंपनी के एक जॉइनिंग लेटर दे जेमा सैलरी 16,500 लिखा होइस रिहिस। येकर संग येकर 4 अउ सहेली ल तको नौकरी सुरू कर दीस। प्रेम कुम्हार ह कंपनी के असिस्टेंट मैनेजर सज्जाद अंसारी ले मिले या जेन ऑफिस म आके काम देखत रिहिस। एमन ल ट्रेनिंग म बताये गे रिहिस के जॉब के नाम म कॉलर के बजाज कंपनी के कोति ले बात करत रजिस्ट्रेशन फीस 1549 रूपिया ले के ऑनलाइन स्कैनर भेजके मिले हावय।

1 महीना बाद प्रेम कुम्हार ऑफिस बंद करके भाग गे, पता चलिस के वो कई लोगन ले 1549 रूपिया फीस लेके ठगी करे हावय। जब एमन ल ठगी के पता चलिस के उंकर डहर ले देगे जॉइनिंग लेटर फर्जी हावय त कोतवाली थाना म अपराध पंजीबद्ध कराइस, आवेदन म आरोपी मन के विरूद्ध अप.क्रमांक 1605/2022 धारा 420, 467, 468, 471, 34 भादवि दर्ज करके विवेचना म लिस।