राज्य स्तरीय युवा महोत्सव : करमा नृत्य म रायगढ़ अउ खैरागढ़ रिहिन विजेता

अंजोर.रायपुर। रायपुर के साईंस कॉलेज मैदान म आयोजित राज्य स्तरीय युवा महोत्सव म पहिली दिन मुख्य मंच म मांदर के थाप म साइंस कॉलेज मैदान म 15 ले 40 उमर वर्ग म करमा नृत्य पारम्परिक परिधान ले सज-धज के मुख्य मंच म अपन मनमोहक प्रस्तुति दीस।

रायपुर के साईंस कॉलेज मैदान म आयोजित राज्य स्तरीय युवा महोत्सव के पहिली दिन मुख्य मंच म मांदर के थाप म कलाकार खूब थिरकसि। साइंस कॉलेज मैदान म 15 ले 40 उमर वर्ग म करमा नृत्य म दुर्ग, रायगढ़, सूरजपुर, कांकेर अउ बालोद जिला के कलाकार मन ह पारम्परिक पहिनावा ले सज-धज के मुख्य मंच म अपन मनमोहक प्रस्तुति दीस। उहें 40 साल ले जादा उमर वर्ग म कोरबा महासमुंद जशपुर अउ खैरागढ़ के कलाकार मन ह करमा नृत्य के प्रस्तुति दीस, जेन देखइया ल खूब भाइस।

छत्तीसगढ़ के संस्कृति म प्रचलित केऊ लोक नृत्य म ले करमा नृत्य एक हावय। करमा नृत्य राज्य म निवास करे वाला जनजाति डहर ले करे जाथे। ये जनजाति सरई अउ करम पेड़ के खल्हे इकठ्ठा होके करमा गीत गाके नृत्य करत हावयं। जनजाति समूह साल म एक बार इकठ्ठा होके देवी-देवता के पूजा-अर्चना करके परब मनात हावयं अउ करम पेड़ के टहनी के जमीन म गड़ाके चारों तनि घूम-घूमके आनंदपूर्वक करमा नृत्य करथे। करमा नृत्य हमन ल कर्म के संदेश देत हावय। राज्य स्तरीय युवा महोत्सव म 15 ले 40 उमर वर्ग म करमा नृत्य म रायगढ़ प्रथम, कांकेर दूसरइया अउ सूरजपुर तीसरा ठऊर  म रिहिन। 40 साल ले जादा उमर वर्ग म खैरागढ़ प्रथम, महासमुंद दूसरइया अउ जशपुर तीसरा ठऊर  म रिहिन।