राष्ट्रीय कृषि विकास योजना : रबी सीजन म पानी के कमी ले मिलिस छुटकारा

अंजोर.बेमेतरा। कृषि संबंधित क्षेत्र म विकास अउ कृषि फसल म सुधार लाने के उद्देश्य ले सरकार डहर ले राष्ट्रीय कृषि विकास योजना चलाये जात हावय। ए योजना के तहत किसान ल अपन कृषि व्यवसाय के बढ़ाये के मउका मिलत हावय। जेकर ले उंकर आर्थिक स्थिति म सुधार होत हावय। सरकार डहर ले किसान मन के कृषि संबंधी समस्या ल देखत राष्ट्रीय कृषि विकास योजना चलाये जात हावय। ए योजना के माध्यम ले किसान मन के आर्थिक मदद तको दे करे जात हावय।

इही क्रम म बेमेतरा जिला के विकासखण्ड साजा के गांव मासुलगोंदी के किसानश्री प्रेमलाल के, ओमन बताइन के ओकर कृषि भूमि नाला के किनारे होए के सेती सिरिफ खरीफ सीजन म फसल उत्पादन हो पात रिहिस। रबी सीजन म पानी के कमी होए के सेती फसल उत्पादन ठीक नइ हो पा रिहिस। प्रेमलाल ह राष्ट्रीय कृषि विकास योजना ले अपन निजी जमीन 0.45 हेक्टेयर रकबा म शैलो ट्यूबवेल खनन करवाइस। शैलो ट्यूबवेल खनन बुता होए के बाद उंकर रबी फसल म पर्याप्त पानी मिल पा हावय। ओमन बताइन के अभी अभी के बेरा म 0.45 हे. म धान के खेती करके रिहिन हावयं, जेकर ले 20 ले 25 क्वि. उत्पादन होए के संभावना हावय।