मुख्यमंत्री बघेल ह नेताजी सुभाष चन्द्र बोस के जयंती म दीस श्रद्धांजलि

मुख्यमंत्री बघेल ह नेताजी सुभाष चन्द्र बोस के जयंती म दीस श्रद्धांजलि

अंजोर.रायपुर। मुख्यमंत्री भूपेश बघेल ह अपन निवास कार्यालय म महान स्वतंत्रता संग्राम सेनानी अउ आजाद हिन्द फौज के संस्थापक नेताजी सुभाष चन्द्र बोस के 126 वीं जयंती म उंकर चित्र म पुष्प अर्पित करके ओला श्रद्धांजलि अर्पित करत नमन करिन। ए बखत राज्य सभा सांसद श्रीमती फूलो देवी नेताम तको मौजूद रिहिस।

ए मउका म मुख्यमंत्री बघेल ह किहिन के देश के स्वतंत्रता संग्राम के महानायक नेताजी सुभाष चंद्र बोस के 'तै मोला लहू दो, मैं तोला आजादी दूंहू', 'जय हिन्द' अउ 'दिल्ली चलो' जइसे नार ह आजादी के लड़ाई म एक नवा ऊर्जा भरे के काम करिन। उंकर डहर ले गठित आजाद हिंद फौज ह आजादी के लड़ाई म अहम भूमिका निभाईस। नेताजी सबो भारतीय के आदर्श हावयं। उंकर  त्याग, संघर्ष अउ आजादी के लड़ाई म अमूल्य योगदान हमन ल सदैव प्रेरित करत रइही।