 |
| मुख्यमंत्री भूपेश बघेल ह पुरैना-खपरी म हितग्राही मनला सामान अउ रकम बांटिस |
अंजोर.रायपुर। मुख्यमंत्री भूपेश बघेल बलौदाबाजार विधानसभा के गांव पुरैना-खपरी म भेंट-मुलाकात कार्यक्रम म करिस। ए बखत ओमन आने-आने योजना मन के तहत हितग्राही मनला सामान अउ चेक बांटिस। मछरी पालन विभाग ले लाभान्वित हितग्राही मन म दीनबंधु लहरे ल आईस बॉक्स, श्रीमती छोहरी बाई बंजारे के जाल अउ गांव पुरैना खपरी ले श्रीमती कावेरी साहू ल आईस बॉक्स दीस। इही रकम ले गांव ताराशिव ले ईमिर सिंग पटेल, राजकुमार पटेल के जाल अउ बद्री प्रसाद पटेल के आईस बॉक्स दे गिस।
भेंट-मुलाकात कार्यक्रम म समाज कल्याण विभाग डहर ले निःशक्त बिहाव योजना ले लाभान्वित हितग्राही मन म गांव गबौद ले सुलेन्द्र कुमार कुर्रे ल 1 लाख रूपिया अउ राष्ट्रीय परिवार मदद योजना के तहत गांव वार्ड 04 नगर पंचायत पलारी ले श्रीमती यशोदा देवांगन अउ वार्ड 03 नगर पंचायत पलारी के श्रीमती सविता जायसवाल के 20 हजार रूपिया के रकम दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।