अंजोर.बलौदाबाजार-भाटापारा। पुलिस डहर ले सोना चांदी चमकाये के बहाना, सोना-चांदी के जेवर के ठगी करइया आन राज के बड़का गिरोह के भंडाफोड़ करिस पुलिस। मिले आरो के मुताबिक अंतरराज्यीय बिहार राज्य के संगठित गिरोह के कुल 7 सदस्य मनला दबोचे हावय। आरोपी मन म एक अपचारी बालक तको हावय शामिल। आरोपी मन म ठगी करे सोना चाँदी ल बेईमानी ले खपाने वाला भाटापारा निवासी भूपेन्द सोनी तको गिरफ़्तार करे गे हावय। आरोपी मन ले 03 नग सोना के चैन, 02 नग सोना के कंगन अउ 01.5 किलो चांदी बरामद करे गिस। पुलिस के बताती कुल 05 लाख रूपिया कीमत के सोना अउ चांदी बरामद होइस येकर अलावा अपराध म प्रयुक्त 04 मोटर सायकल अउ सोना चांदी चमकाये समान पाउडर उक तको जप्त करे गे हावय। गिरोह डहर ले जिला के थाना सिटी कोतवाली अउ चौकी बाजार क्षेत्र ले सिलसिलेवार घटना के अंजाम दे रिहिस। येकर संग ही आरोपी मन डहर ले जिला रायपुर के थाना खरोरा क्षेत्र, जिला महासमुंद म तको ठगी करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।