अंजोर.रायपुर। छत्तीसगढ़िया ओलंपिक 2022-23 के राज्य स्तरीय आयोजन अब 08 जनवरी ले 10 जनवरी 2023 तक राजधानी रायपुर के आने-आने खेल मैदान के संग-संग इंडोर स्टेडियम म करे जाही।
राज्य स्तरीय छत्तीसगढ़िया आलंपिक के उद्घाटन समारोह 08 जनवरी के बिहनिया 11 बजे ले सरदार बलबीर सिंह जुनेजा इंडोर स्टेडियम म होही। छत्तीसगढ़िया ओलंपिक के सबो 14 खेल विधा मन के प्रतियोगिता सरदार बलबीर सिंह जुनेजा स्टेडियम, आउटडोर स्टेडियम बुढ़ापारा, पंडित रविशंकर शुक्ल विश्वविद्यालय खेल परिसर अउ स्वामी विवेकानंद स्टेडियम कोटा म आयोजित करे जाही।
उद्घाटन समारोह अउ समापन समारोह म भाग लेवइया मन के डहर ले आने-आने सांस्कृतिक कार्यक्रम प्रस्तुत करे जाऐंगे। समापन समारोह म आकर्षक आतिशबाजी तको करे जाही। समापन समारोह के आयोजन स्वामी विवेकानंद स्टेडियम कोटा-रायपुर म 10 जनवरी के संझा म करे जाही। जानबा होवय के पहिली म राज्य स्तरीय खेल प्रतियोगिता के खातिर 07 जनवरी ले 09 जनवरी के तिथि करार करे गे रिहिस जेला बदल करके 8 ले 10 जनवरी करके दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।