 |
| पंडित जवाहर लाल नेहरू उत्कर्ष योजना परीक्षा 2023 |
अंजोर.कोरिया। आदिवासी विकास विभाग के सहायक आयुक्त ह बताइन के पंडित जवाहर लाल नेहरू उत्कर्ष योजना ले राज्य के उत्कृष्ठ अउ प्रतिष्ठित स्कूल म अनुसूचित जाति, जनजाति वर्ग के पढ़ईया मन ल फोकट म प्रवेश देवाये जाथे। योजनांतर्गत साल 2023-24 म आदिम जाति अउ अनुसूचित जाति के कक्षा 6वीं म प्रवेश बर 12 मार्च 2023 के मंझनिया 12 ले 2 बजे तक लिखित परीक्षा के आयोजन करे जाना हावय।
ओमन बताइन के प्रवेश परीक्षा म सामिल होए बर इच्छुक पढ़ईया जाति अउ निवास प्रमाण-पत्र, कक्षा 4थी पास परीक्षा के अंकसूची के सत्यापित छायाप्रति, पासपोर्ट फोटो, आयकर दाता नइ होए के प्रमाण-पत्र अउ चयन होए म राज्य के कोनो भी उत्कृष्ठ अउ प्रतिष्ठित स्कूल म प्रवेश देवाये बर पालक के सहमति पाती के संग 10 फरवरी 2023 तक पढ़त स्कूल म आवेदन पाती जमा कर सकत हावय अउ आवेदन पाती जमा करे के बाद ये मापदंड पूरा करइया पढ़ईया ये परीक्षा म नियत तिथि अउ समय ठऊर म सामिल होही। परीक्षा केंद्र के सूचना अलग ले दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।