कलेक्टर तारन प्रकाश सिन्हा के निर्देश म सेवानिवृत्त सरकारी सेवक ल तुरते जारी होवथे पीपीओ, जीपीओ

अंजोर.जांजगीर-चांपा। कलेक्टर तारन प्रकाश सिन्हा के निर्देशन म जिला म सेवानिवृत्त होवइया सरकारी सेवक के अभार पोर्टल के माध्यम ले तुरते पीपीओ, जीपीओ जारी करे जात हावय। इही क्रम म जिला के 31 दिसम्बर 2022 के सेवानिवृत्त होवइया 8 सरकारी सेवक के पीपीओ, जीपीओ जारी करे गिस। पेंशन प्रकरण म कृष्ण कुमार साहू प्रयोगशाला तकनीशियन, धानराम दिब्य व्याख्याता, देव सिंह पोखरा सहायक उप निरीक्षक, भगत राम साहू प्रधान पाठक, श्रीमती अंबिका मेहरा पर्यवेक्षक, शिव कुमार जायसवाल उच्च वर्ग शिक्षक, प्रेम कुमार पांडित्य व्याख्याता, शिबू राम प्रधान उप निरीक्षक 11 वीं बटालियन सामिल हावय। सबो पेंशनर ल जिला कोषालय परिसर म पुष्पगुच्छ ले सम्मानित करके पीपीओ अउ जीपीओ के संग परिचय पाती दे गिस।

जिला कोषालय डहर ले सबो विभाग के डीडीओ ले अपील करे गे हावय के समय पहिली सेवा पुस्तक के जांच कराये के पाछु सही-सही दस्तावेज के संग पेंशन प्रकरण आभार पोर्टल म भेजे ताकि जिला म सबो सेवानिवृत्त होए वाला सरकारी सेवक के तुरते पेंशन भुगतान कराये जा सके। जानबा होवय के पाछु 1 दिसम्बर 2022 के कलेक्टर तारन प्रकाश सिन्हा डहर ले 30 नवम्बर के सेवानिवृत्त होवइया सरकारी सेवाक के पीपीओ, जीपीओ दे करे गे रिहिस। कलेक्टर तारन प्रकाश सिन्हा डहर ले जिला के सबो सेवानिवृत्त होवइया सरकारी सेवक के स्वस्थ जिनगी अउ लंबी उमर के कामना करत शुभकामान दीस हावय। सेवानिवृत्त सरकारी सेवक के पीपीओ, जीपीओ जारी करे के मउका म अपर कलेक्टर एस.पी. वैद्य, वरिष्ठ कोषालय अधिकारी पी आर महदेवा, सहायक कोषालय अधिकारी ज्ञानेश बरेठ सहित संबंधित अधिकारी-कर्मचारी उपस्थित रिहिस।