 |
| गणतंत्र दिवस के मउका म पुलिस मेडल के खातिर छत्तीसगढ़ के 18 पुलिस जवान मनके चयन |
अंजोर.रायपुर। भारत सरकार के गृह मंत्रालय ह गणतंत्र दिवस के मउका म पुलिस मेडल्स ले सम्मानित होवइया अधिकारी अउ जवान मन के सूची जारी करे हावय। गृह मंत्रालय ले जारी मेडल लिस्ट म पुलिस मेडल फॉर गैलंट्री अवॉर्ड के खातिर के खातिर 7, प्रेसिडेंट पुलिस मेडल के खातिर एक अउ पुलिस मेडल फॉर मेरीटोरियस सर्विस के खातिर 10 पुलिस अधिकारी मन अउ जवान मन के चयन करे गे हावय।
ए मउका म मुख्यमंत्री भूपेश बघेल अउ गृहमंत्री ताम्रध्वज साहू ह पुलिस मेडल्स ले सम्मानित होवइया सबो पुलिस अधिकारी मन अउ जवान मन ल बधाई दे हावय। जारी सूची म पुलिस मेडल फॉर गैलंट्री अवॉर्ड के खातिर आईपीएस अभिषेक पल्लव, आरआई वैभव मिश्रा, एसआई अश्विनी सिन्हा, एसआई यशवंत श्याम, एसआई उत्तम कुमार, हेड कांस्टेबल उशरू राम कोर्राम अउ एपीसी स्व. कृशपाल सिंह कुशवाह के चयन करे गे हावय। गृह मंत्रालय के कोति ले जारी सूची म प्रेसिडेंट पुलिस मेडल के खातिर एडीजी विवेकानंद सिन्हा के चयन करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।