 |
| कोडिंग ओलंम्पियाड म पंजीयन 5 फरवरी तक |
अंजोर.रायपुर। तकनीक के महत्ता अउ भविष्य म येकर ल देखत छोटे कक्षा ले ही पढ़ईया कोडिंग के कोति मन लगावत हाबे अउ एमे महारत तको हासिल करत हावयं। कोडिंग ल भविष्य के भाषा तको केहे जाथे। ए बात के धियान म रखत मुख्यमंत्री भूपेश बघेल के निर्देशन म छत्तीसगढ़ के सरकारी स्कूल के लइका म तको कोडिंग के प्रति जिज्ञासा बढ़ाये के खातिर प्रयास करे जात हावयं। पढ़इया लइका ल कोडिंग के प्रति उत्साहित करे के खातिर छत्तीसगढ़ शासन, हिन्दुस्तान टाइम्स के संग मिलके कोडिंग ओलंम्पियाड के आयोजन करत हावय। ए ओलंपियाड ल भारत के बड़े कोडिंग ओलंम्पियाड्स म ले एक माने जाथे।
गेटिंग फ्यूचर रेडी के थीम म कोडिंग ओलंम्पियाड म पढ़इया लइका के सीखे (लर्न), सामिल होए (पार्टिसिपेट) अउ जीते ( विन) के मंत्र के संग सरकारी स्कूल के 5000 पढ़इया लइका ल कोडिंग सिखाये जाथे। ए कोडिंग ओलिम्पियाड म सामिल होए पढ़इया लइका के खातिर रजिस्ट्रेशन के आखिरी तारीख 5 फरवरी 2023 हावय। ओलंपियाड म हिस्सा ले के खातिर छात्र www.htcodeathon.com वेबसाइट म अपन रजिस्ट्रेशन करा सकत हावयं। 23 फरवरी के पढ़इया लइका के क्वालिफायर राउंड अउ 23 फरवरी के ही पढ़इया लइका के फिनाले आयोजित होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।