जशपुर म चाय, कॉफी, इलायची, लौंग, पपीता, नाशपाती अउ स्ट्राबेरी के खेती, किसान मन प्रशिक्षण खातिर जाही असम, कलकत्ता अउ साऊथ

जशपुर म चाय, कॉफी, इलायची, लौंग, पपीता, नाशपाती अउ स्ट्राबेरी के खेती

अंजोर.जशपुरनगर। कलेक्टर डॉ रवि मित्तल ह बुधवार  सन्ना तहसील के गांव छिछली के गांव म किसान मनके बइठक लेके चाय, काफी, इलाइची, लौंग, पपीता, नाशपाती, स्ट्राबेरी के खेती करे के खातिर प्रोत्साहित करिन। ओमन किहिन के किसान मनला आन फसल लगाये के खातिर प्रशिक्षण के खातिर असम के बगान, कलकत्ता के बगान अउ साऊथ के बगान के अवलोकन करे के खातिर भेजे के निर्देश दे हावयं। ए मउका म वन मंडलाधिकारी जितेन्द्र उपाध्याय कर्नाटक ले आए चाय के विशेषज्ञ प्रदीप कोचर,डीडीएम नाबार्ड तपन कुमार शेट्टी राजेश गुप्ता एसडीएम बगीचा आर पी चौहान अउ बड़े संख्या म किसान उपस्थित रिहिस।        

कलेक्टर ह किसान मन के  प्रोत्साहित करत किहिन के धान के  खेती ले अलग म चाय कॉफी, ईलायची,लौंग, जायफल, पपीता, मसाले के खेती सूपाड़ी काली मिरचा के खेती करके उपराहा लाभ ले सकत हावय। ओमन किहिन के किसान मन ल आने-आने रकम ले फसल मन ले के खातिर कृषि विशेषज्ञ के डहर ले खेती करे के खातिर रद्दा तको देखये जाही ताकि जशपुर जिला के किसान उन्नत खेती करके अच्छा फसल ले सके। ओमन उद्यान विभाग के नर्सरी तइयार करे के खातिर किहिन अउ पौधा लगाये के निर्देश दे हावय ताकि किसान मनला पौधा उपलब्ध कराये जा सके।

कर्नाटक ले आये चाय के जानकार प्रदीप कोचर ह बताइन के चाय के खेती किसान मन के खातिर बहुत फायदा के हावय। चाय के खेती करे के बाद पौधा ल छाया के तको जरूरत  पड़त हावय। येकर खातिर किसान चाय के छाया दे के खातिर खेत म मसाला के खेती ईलायची के खेती लौग के खेती संग म कर सकत हावय। येकर ले किसान मन के डबल लाभ होही एक त चायपत्ती ले तको लाभ मिले सकत हावय दूसरा जेन खेत म आन फसल लगाए हावय ओकर ले भी किसान मनला दोहरा लाभ होही।

कलेक्टर ह गांव वाले ले बिजली,पानी, राशन स्वास्थ्य सुविधा के तको जानकारी लिस। ओमन बिजली बिल के समस्या के समाधान करे खातिर गांव म शिविर लगाये के बात कहे संग ही गांववाले के मांग म प्राथमिक स्वास्थ्य केन्द्र डॉक्टर के लघियात पदस्थापना करे ल कहिन। बइठक संबंधी समस्या के निराकरण करे के खातिर बीसी सखी डहर ले सियान मन, दिव्याग अउ जरूरतमंद हितग्राही मन के पेंशन मजदूरी भुगतान करे के निर्देश दे हावय।