अंजोर.धमतरी। प्राकृतिक आपदा ले मरइया जिला के 11 लोगन के परिजन के कलेक्टर ऋतुराज रघुवंशी ह आर.बी.सी. 6-4 के तहत चार-चार लाख रूपिया के आर्थिक मदद मंजूर करे हावय। मिले जानकारी के मुताबिक कुरूद के गांव चरमुड़िया के श्रीमती जमुना बाई के आग ले जले के सेती ले 30 अप्रैल 2022 के मृत्यु होगिस। येला देखत उंकर पति जीतूराम यादव ल आरबीसी 6-4 के तहत चार लाख रूपिया के आर्थिक मदद स्वीकृत करे गे हावय।
अइसने बठेना वार्ड के गौतम सिन्हा के आरबीसी 6-4 के तहत चार लाख रूपिया के आर्थिक मदद स्वीकृत करे गे हावय। दरअसल उंकर महतारी श्रीमती सुरूज बाई के आग म जले के सेती ले 05 जून 2022 के मृत्यु हो गे। इही रकम ले सर्प काटने के सेती ले 17 जून 2022 के भखारा तहसील के कमलेश साहू के मृत्यु हो गे, सेती उंकर पिता माखनलाल के आर.बी.सी. 6-4 के तहत आर्थिक मदद स्वीकृत करे गे हावय। उहें कुरूद के गांव अवंरी निवासी मंगलदास बंजारे के तको सर्प काटने ले 30 जुलाई 2022 के मृत्यु होए म उंकर पत्नी श्रीमती बासन बाई के आर.बी.सी. 6-4 के तहत चार लाख रूपिया के आर्थिक मदद स्वीकृत के गे हावय। नगरी के रूपसिंग मरई के आर.बी.सी. 6-4 के तहत चार लाख रूपिया के आर्थिक मदद स्वीकृत करे गे हावय, उंकर पत्नी श्रीमती कृष्णा बाई के पानी म डूबे के सेती ले 09 अगस्त 2022 के मृत्यु हो गे रिहिस। भखारा तहसील के गांव बोरझरा के एकेश्वर साहू के आर.बी.सी. 6-4 के तहत चार लाख रूपिया आर्थिक मदद रकम स्वीकृत करे गिस। दरअसल उंकर नोनी कुमारी मेहेक साहू के सर्प काटे के सेती ले 07 सितंबर 2022 के मृत्यु हो गे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।