इंदिरा गांधी कृषि विश्वविद्यालय के 37वां स्थापना दिवस 20 जनवरी के

इंदिरा गांधी कृषि विश्वविद्यालय के 37वां स्थापना दिवस 20 जनवरी के

अंजोर.रायपुर। इंदिरा गांधी कृषि विश्वविद्यालय, रायपुर के 37वां स्थापना दिवस 20 जनवरी के मनाये जाही। ए दिन आने-आने कार्यक्रम आयोजित करे जाही। ए मउका म ‘खाद्य अउ पोषण सुरक्षा बर लघु धान्य फसल’ विषय म एक दिवसीय राष्ट्रीय कार्यशाला के आयोजन करे जाही जेकर माई पहुना छत्तीसगढ़ शासन के कृषि विकास अउ किसान कल्याण अउ जैव प्रौद्योगिकी विभाग के मंत्री रविन्द्र चौबे होही। खास पहुना के रूप म प्रदीप शर्मा, मुख्यमंत्री जी के सलाहकार, कृषि, ग्रामीण विकास अउ योजना अउ डॉ. कमलप्रीत सिंह, सचिव अउ कृषि उत्पादन आयुक्त उपस्थित रइही। कार्यक्रम के अध्यक्षता इंदिरा गांधी कृषि विश्वविद्यालय के कुलपति डॉ. गिरीश चंदेल करही। ए कार्यशाला म लघु धान्य फसल मन म बुता करइया कृषक, वैज्ञानिक, उद्यमी, प्रसंस्करणकर्ता उक सामिल होही। ए मउका म कृषि मंत्री चौबे इंदिरा गांधी कृषि विश्वविद्यालय परिसर म राष्ट्रीय राजमार्ग 53 म नवा बने मिलेट कैफे के सुरूआत तको करही। ए मिलेट कैफे म कोदो, कुटकी, रागी अउ आन लघु धान्य फसल मन ले बने व्यंजन अउ आन जिनिस आम जनता के खातिर उपलब्ध रइही।