गोधन न्याय योजना : मुख्यमंत्री भूपेश बघेल अउ कृषि मंत्री रविन्द्र चौबे ह वर्चुअल कार्यक्रम म हितग्राही मनला बाटिस पइसा

गोधन न्याय योजना के हितग्राही मनला बाटिस पइसा, मुख्यमंत्री भूपेश बघेल अउ कृषि मंत्री रविन्द्र चौबे वर्चुअल कार्यक्रम म

अंजोर.रायपुर। मुख्यमंत्री भूपेश बघेल अउ कृषि मंत्री रविन्द्र चौबे गोधन न्याय योजना के हितग्राही मनला रकम बाटे कार्यक्रम म शामिल होइन। मिले आरो के मुताबिक मुख्यमंत्री बघेल अपन निवास कार्यालय म आयोजित वर्चुअल कार्यक्रम म गोधन न्याय योजना के हितग्राही मन के 7 करोड़ 05 लाख रूपिया के भुगतान करिस। ये मउका म कृषि मंत्री रविन्द्र चौबे के अलावा मुख्यमंत्री के सलाहकार प्रदीप शर्मा, छत्तीसगढ़ खनिज विकास निगम के अध्यक्ष गिरीश देवांगन, मुख्य सचिव अमिताभ जैन, कृषि उत्पादन आयुक्त डॉ. कमलप्रीत सिंह तको उपस्थित रिहिस। प्रदेश के 25 जिला  के 37 गउठान म सुरू होही गोबर पेंट बनाये के 37 यूनिटें हावय, वर्तमान म रायपुर अउ दुर्ग जिला म 2-2 अउ कांकेर म 01 प्राकृतिक पेंट बनाये के यूनिट म उत्पादन सुरू होवत हाबे। जिहां 8997 लीटर उत्पादित प्रकृतिक पेंट म ले 3307 लीटर के बिक्री ले 7 लाख 2 हजार 30 रूपिया के आमदनी होइस। 

इही रकम ले 96 गौठान म अब तक 4 रूपिया लीटर म खरीदे गिस 1 लाख 15 हजार 423 लीटर गौमूत्र। गौमूत्र ले बनाए गिस कीटनाशक ब्रम्हास्त्र अउ वृद्धिवर्धक जीवामृत के बिक्री ले महिला स्व सहायता समूह के होइस 22.43 लाख रूपिया के आय। मुख्यमंत्री के पैरा दान के अपील म किसान मन ह गौठान म करिन 10.32 लाख क्विंटल पैरा दान। 

गौठान समिति मन के 1.46 करोड़ रूपिया के करे गिस भुगतान

महिला समूह के खाते म 01 करोड़ रूपिया के लाभांश रकम अंतरित करे गे

गोबर बेचइया मन के अब तक 197.45 करोड़ रूपिया के भुगतान

खरीद गे 98.73 लाख क्विंटल गोबर

गौठान समिति मन अउ महिला स्व-सहायता समूह के अब तक 171.87 करोड़ रूपिया के भुगतान

गोबर बेचइया मन के आज भुगतान के गे 4.59 करोड़ रूपिया के रकम म ले 1.76 करोड़ रूपिया के भुगतान कृषि विभाग डहर ले करे गिस 

4564 स्वावलंबी गउठान ह अपन संसाधन ले 2.83 करोड़ रूपिया के भुगतान करिन 

स्वावलंबी गौठनों डहर ले अब तक 35.19 करोड़ रूपिया के गोबर के खरीदी के गे हावय