 |
| गोधन न्याय योजना के हितग्राही मन के 8 करोड़ के भुगतान 20 जनवरी करही मुख्यमंत्री भूपेश बघेल |
अंजोर.रायपुर। मुख्यमंत्री भूपेश बघेल 20 जनवरी के मुख्यमंत्री निवास कार्यालय म गोधन न्याय योजना के रकम अंतरण के खातिर आयोजित वर्चुअल कार्यक्रम के माध्यम ले पशुपालक गांव वाला, गउठान ले जुरे महिला समूह अउ गउठान समिति मन के 8 करोड़ 3 लाख रूपिया के रकम ऑनलाइन जारी करही, जेमा 01 जनवरी ले 15 जनवरी 2023 तक गउठान म पशुपालक गांव वाला, किसान मन, भूमिहीन ले बिसाये 2.13 लाख क्विंटल गोबर के बदला म 4 करोड़ 27 लाख रूपए, गउठान समिति मन के 2.23 करोड़ रूपिया अउ महिला समूह के 1.53 करोड़ रूपिया के लाभांश रकम सामिल हावयं।
इहां येहू जानबा होवय के गोधन न्याय योजना के तहत गोबर खरीदी के बदला म बेचइया मन के अंतरित करे जाये वाला 4.27 करोड़ रूपिया के रकम म ले मात्र 1.75 करोड़ के रकम कृषि विभाग डहर ले अउ 2.52 करोड़ रूपिया के भुगतान स्वावलंबी गउठान डहर ले करे जाही। जानबा होवय के राज्य म अब तक 4690 गउठान स्वावलंबी हो चुके हावयं, जेन स्वयं के जमा पूंजी ले गोबर बिसाये लगे हावयं। स्वावलंबी गउठान डहर ले अब तक 37.71 करोड़ रूपिया के गोबर स्वयं के रकम ले बिसाये के भुगतान करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।