मुख्यमंत्री भूपेश बघेल ह राजिम म भगवान राम के बड़का मूरति के करिन अनावरण

मुख्यमंत्री भूपेश बघेल ह राजिम म भगवान राम के बड़का मूरति के करिन अनावरण

अंजोर.रायपुर। मुख्यमंत्री भूपेश बघेल ह राजिम महोत्सव जगह म भगवान राम के 25 फीट ऊंची भव्य मूरति अनावरण करिन। ए मूर्ति के 5 महीना के कमती बेरा तइयार करे गे हावय। ए भव्य अउ विशाल मूर्ति ल तइयार करे म ओड़िसा के 20 शिल्पकार मन ह मुख्य भूमिका निभाये हावय। एला हाथ ले तराश करके छत्तीसगढ़ के बिल्हा स्टोन ले बनाये गे हावय। मूर्ति ल 8 फीट ऊंचा नवा बने चबूतरा म प्रतिस्थापित करे गे हावय। येकर भव्यता देखत ही बनत हावय। मुख्यमंत्री भूपेश बघेल ह राजीव लोचन मंदिर पहुंच के पूजा अर्चना करिस अउ प्रदेस के खुसयाली अउ समृद्धि के कामना करिस।

ए मउका म मुख्यमंत्री बघेल ह राजिम-चौबेबांधा-नवागांव रद्दा चौड़ीकरण अउ सुदृढ़ीकरण अउ 3.7 किलोमीटर लंबा लक्ष्मण झूला पहुंच रद्दा के भूमिपूजन करिन। जानबा होवय के राम वनगमन पर्यटन परिपथ के ले त्रिवेणी संगम राजिम तको सामिल हावय। राज्य शासन डहर ले राजिम म राम वनगमन पर्यटन परिपथ के विकास के खातिर 13 करोड़ 12 लाख रूपिया के स्वीकृति दीस हावय। ए मउका म गृह मंत्री ताम्रध्वज साहू, छत्तीसगढ़ टूरिज्म बोर्ड के अध्यक्ष अटल श्रीवास्तव, उपाध्यक्ष श्रीमती चित्ररेखा साहू, गौ सेवा आयोग के अध्यक्ष महंत राम सुंदर दास उपस्थित रिहिस।