राज्यपाल अनुसुईया उइके ल आदिवासी समाज ज्ञापन सउपिस

राज्यपाल अनुसुईया उइके ल आदिवासी समाज ज्ञापन सउपिस

अंजोर.रायपुर। राज्यपाल सुश्री अनुसुईया उइके ले राजभवन म छत्तीसगढ़ सर्व आदिवासी समाज के कार्यकारी अध्यक्ष बी.एस. रावटे के अगुवई म प्रदेस के आने-आने जिला ले आए आने-आने आदिवासी समुदाय गोंड, धनवार, कोल, कमार, नगरची, सावरा, बैगा, बिंझवार, कोरवा, कोंड, गजवा, नगेसिया, प्रधान, पंडो, धनवा, पाव, धुलिया, भैना, बंधु, कंडरा, हल्बा, भूंइया, उरांव समाज के प्रतिनिधि मन ह मुलाकात करके ज्ञापन सउपिस अउ अपन समस्या के बारे म विस्तार ले जानकारी दीस। राज्यपाल सुश्री उइके ह प्रतिनिधिमण्डल ल भरोसा देवाइस के आदिवासी मन के हित के संरक्षण के खातिर वो हरसंभव प्रयास करही। ओमन किहिन के आदिवासी मन के समस्या के निराकरण करे खातिर वो जिला के दौरा करही अउ स्थानीय प्रशासन ल आदिवासी समुदाय के परेसानी के समाधान करे के निर्देश देही।