पुलिस महानिदेशक अउ महानिरीक्षक मनके अखिल भारतीय सम्मेलन म भाग लिस प्रधानमंत्री नरेन्द्र मोदी

• प्रधानमंत्री ह पुलिस बल ल जादा संवेदनशील बनाये अउ ओला उभरत प्रौद्योगिकी म प्रशिक्षित करे के सुझाव दीस
• प्रधानमंत्री ह सबो एजेंसी म डेटा के आदान-प्रदान ल सुचारू बनाये के खातिर राष्ट्रीय डेटा गवर्नेंस फ्रेमवर्क के महत्ता म जोर दीस
• प्रधानमंत्री ह अप्रचलित आपराधिक कानून ल निरस्त करे के सिफारिश करत जेल सुधार के तको सुझाव दीस

अंजोर.नई दिल्ली ए। प्रधानमंत्री नरेन्द्र मोदी ह नवा दिल्ली म आयोजित पुलिस महानिदेशक अउ महानिरीक्षक मनके 57वें अखिल भारतीय सम्मेलन म भाग लिस। ये मउका म प्रधानमंत्री ह पुलिस बल ल जादा संवेदनशील बनाये अउ ओला उभरती प्रौद्योगिकी म प्रशिक्षित करे के सुझाव दीस। ओमन एजेंसी के बीच डेटा के आदान-प्रदान के सुगम बनाये के खातिर नेशनल डेटा गवर्नेंस फ्रेमवर्क के महत्ता म जोर दीस। प्रधानमंत्री ह सुझाव दीस के जिहां हमन ल बायोमेट्रिक्स उक जइसे तकनीकी समाधान के अउ जादा लाभ उठाना चाही, उहें पारंपरिक पुलिस प्रणाली जइसे पैदल गश्त उक ल अउ मजबूत करे के तको जरूरत हावय। ओमन अप्रचलित आपराधिक कानून के निरस्त करे अउ राज्य म पुलिस संगठन मन के खातिर मानदंड तइयार करे के सुझाव दीस। ओमन जेल प्रबंधन म सुधार के खातिर जेल सुधार म तको जोर दे। ओमन अधिकारी मनके बार-बार दौरा आयोजित करके सीमा के संग-संग तटीय सुरक्षा के मजबूत करे म तको गोठबात करिस।

प्रधानमंत्री ह क्षमता के लाभ उठाये अउ सर्वोत्तम तौर-तरीका ल साझा करे के खातिर राज्य पुलिस अउ केंद्रीय एजेंसी के बीच सहयोग बढ़ाये म जोर दीस। ओमन उभरती चुनौती म गोठबात करे अउ अपन टीम के बीच सर्वोत्तम तौर-तरीका विकसित करे के खातिर राज्य/जिला स्तर म पुलिस महानिदेशक/ पुलिस महानिरीक्षक सम्मेलन के मॉडल के दोहराने के सुझाव दीस।

पुलिस पदक वितरण के बाद होइस सम्मेलन के समापन

सम्मेलन म पुलिस प्रणाली अउ राष्ट्रीय सुरक्षा के आने-आने पहलु के सामिल करे गिस, जेमा आतंकवाद ले मुकाबला, विद्रोह ले मुकाबला अउ साइबर सुरक्षा सामिल हावयं। सम्मेलन म केंद्रीय गृह मंत्री, गृह राज्य मंत्री, राष्ट्रीय सुरक्षा सलाहकार, केंद्रीय गृह सचिव, राज्य/ केंद्रशासित प्रदेस मन के पुलिस महानिदेशक/ पुलिस महानिरीक्षक अउ केंद्रीय पुलिस संगठन/केंद्रीय सशस्त्र पुलिस बल के प्रमुख तको उपस्थित रिहिस। आने-आने स्तर के लगभग 600 ले जादा अधिकारी मनने सम्मेलन म राज्य/ केंद्रशासित प्रदेस मन ले वर्चुअल तौर म भाग लिस।