मिलेट्स अउ जैविक जिनिस बर बेंगलुरू म इंटरनेशनल ट्रेड फेयर, देश म मिलेट्स के उत्पादन, खपत, निर्यात बढ़ाये म किसान ल मिलही लाभ

अंजोर.नई दिल्ली ए। केंद्रीय कृषि अउ किसान कल्याण मंत्री नरेंद्र सिंह तोमर ह किहिन के देश के छोटे किसान मन के प्रति प्रधानमंत्री नरेंद्र मोदी जादा संवेदनशील हावय। मोदी ह दूरदष्टि के संग मिलेट्स के विषय के समिलहा राष्ट्र संघ म उठाइस, जिहां भारत सरकार के प्रस्ताव के 72 देश ह समर्थन करिन अउ समिलहा राष्ट्र के घोसना के मुताबिक अब साल 2023 के अंतरराष्ट्रीय मिलेट्स ईयर के रूप म भारत के अगुवाई म मनाये जात हावय। येकर पाछु मिलेट्स के उत्पादन अउ उत्पादकता, प्रोसेसिंग अउ निर्यात बढ़ाना सरकार के मुख्य उद्देश्य हावय, जेकर ले अंततः देश के किसान मनला ही फायदा मिलही।

केंद्रीय मंत्री तोमर ह ये बात आज बेंगलुरू म मिलेट्स अउ जैविक जिनिस म आधारित इंटरनेशनल ट्रेड फेयर के समापन समारोह म मुख्य पहुना के रूप म कहीन। तोमर ह किहिन के मिलेट्स के फैसला कम पानी म उगाये जा सकत हावय। किसान मन के आय बढ़ाये म मिलेट्स के तको योगदान होही। देश म मिलेट्स के उत्पादन अउ खपत बढ़ाये के संग येकर निर्यात तको बाढ़ही, जेकर लाभ बड़का संख्या म किसान मनला मिलही। ओमन मिलेट्स के उत्पादन अउ उपभोग बढ़ाये के खातिर कर्नाटक सरकार डहर ले करे जात प्रयास के सराहना करिस अउ ए कार्यक्रम के माध्यम ले 201 करोड़ रु. के एमओयू साइन होए ल तको जरूरी बताइन। संग ही, राज्य के किसान मन के प्रोत्साहन रकम दे करे जाये के तको तारीफ करिस।

श्री तोमर ह किहिन के किसान मन के आय बढ़ाये सहित उंकर कल्याण के खातिर केंद्र अउ राज्य सरकार केऊ जरूरी योजना चलत हावय। प्रधानमंत्री किसान सम्मान निधि (पीएम-किसान) स्कीम डहर ले किसान मन के 6-6 हजार रु. के वार्षिक आय मदद दे जात हावय, कर्नाटक म येकर संग किसान मन के चार-चार हजार रु. के अकताहा आय मदद तको देत हावय। प्रधानमंत्री मोदी ह बहुसंख्यक छोटे किसान मन के क्षमता बड़वार के उद्देश्य ले देश म 10 हजार नवा किसानउत्पादक संगठन (एफपीओ) बनाये के सुरू के हावय, जेन म 6,865 करोड़ रु. भारत सरकार खर्च करत हावयं। ओमन देशभर के संग ही कर्नाटक म नवा एफपीओ गठित करे जाये म उत्साहपूर्ण योगदान के बढ़ई करिस। तोमर ह किहिन के कृषि के उन्नत अउ किसान ल समृद्ध बनाये के खातिर अइसे केऊ कार्यक्रम केंद्र डहर ले सुरू करे गे हावयं।

समारोह म तोमर ह आने-आने श्रेणी म अवार्ड दीस। ए मउका म केंद्रीय रसायन अउ खातु अउ नवा अउ नवीकरणीय ऊर्जा राज्य मंत्री भगवंत खूबा, उ.प्र. के कृषि मंत्री सूर्यप्रताप सिंह शाही अउ उद्यानिकी मंत्री दिनेश प्रताप सिंह, कर्नाटक के कृषि मंत्री बी.सी. पाटिल तको जुरियाए उपस्थित रिहिस।