खैरागढ़ के गंडई आत्मानन्द स्कूल म पढ़त रश्मि प्रजापति करही प्रधानमंत्री ले परीक्षा पे चर्चा म गोठबात

 स्व. लाल मूरत सिंह खुसरो आत्मानन्द अंग्रेजी माध्यम उत्कृष्ट स्कूल गंडई 

अंजोर.खैरागढ़। 27 जनवरी 2023 के दिल्ली के तालकटोरा के इंडोर स्टेडियम म प्रधानमंत्री ह चयनित पढ़इया लइका के संग करही परीक्षा पे चर्चा कार्यक्रम करही। जेन म रश्मि के चयन ‘अवर कल्चर अवर प्राइड’ लेख के आधार म होइस। रश्मि ह कहिन के पढ़ाई सबके खातिर जरूरी हावय, जतका मेहनत करही, ओला ओतका ही सफलता मिलही। मिले आरो के मुताबिक छत्तीसगढ़ ले 2 पढ़ईया मनके अउ एक शिक्षिका के चयन होए हावय।

छत्तीसगढ़ माध्यमिक शिक्षा मंडल अउ सीबीएसई के बोर्ड परीक्षा फरवरी-मार्च 2023 म आयोजित होवइया हावय| येकर ले पहिली 27 जनवरी 2023 के दिल्ली के तालकटोरा के इंडोर स्टेडियम म प्रधानमंत्री चयनित पढ़इया लइका के संग परीक्षा पे गोठबात करही। ए कार्यक्रम म भाग लेवइया बने के खातिर खैरागढ़ छुईखदान गंडई जिला के एक पढ़इया लइका रश्मि प्रजापति के चयन होए हावय।

खैरागढ़, गंडई स्कूल के कक्षा 9 वीं के पढ़इया लइका कु. रश्मि प्रजापति ह परीक्षा पे गोठबात कार्यक्रम म सामिल होए के खातिर संबंधित शीर्षक म लेख 30 दिसम्बर 2022 तक ऑनलाइन जमा करे रिहिस। जेकर आधार म चयनित पढ़ईया अउ शिक्षक के कार्यक्रम म सामिल होना हावय। स्व. लाल मूरत सिंह खुसरो आत्मानन्द अंग्रेजी माध्यम उत्कृष्ट स्कूल गंडई म पढ़त रश्मि प्रजापति, पिता जुगल किशोर प्रजापति के चयन परीक्षा पे गोठबात करे खातिर होइस हावय।