शिव महापुराण कथा बलौदाबाजार म राजस्थानी महिला चोर गिरोह, पुलिस पकडि़स 11 संदिग्ध महिला

शिव महापुराण कथा बलौदाबाजार म राजस्थानी महिला चोर गिरोह, पुलिस पकडि़स 11 संदिग्ध महिला

अंजोर.बलौदाबाजार। कोकड़ी म पंडित प्रदीप मिश्रा के शिव महापुराण कथा के आयोजन करे गे हावय। शिव महापुराण कथा कार्यक्रम अब अपन आखरी चरण म हावय, जेन सेती कार्यक्रम जगह म दरस करइया के भीड़ सरलग बढ़त जात हावय। येकर संग ही पुलिस बल डहर ले कथा पंडाल म रतिहा के समय रुकइया हजारों के संख्या म दरस करइया के सुरक्षा बर रतिहा म तको सरलग पुलिस पेट्रोलिंग करे जात हावय।

साइबर सेल के बिसेस टीम अउ सीसीटीवी कंट्रोल म तैनात पुलिस बल डहर ले तको कथा जगह म अपराधिक तत्व अउ चोर गिरोह म सतत् निगाह रखे जात हावय। येकर एक सुखद परिणाम ये निकलिस के राजस्थान ले आए महिला चोर गिरोह के संदिग्ध 11 महिला मन पकड़ागे। ये महिला मन बहुत ही शातिर होत हावय। पलक झपकते ही महिला मन के गहना जेवरात चोरी करके अपन संगी ले ओला अदला-बदली कर देत हावय, जेकर ले प्रार्थी महिला मनला अपन संग घटित चोरी के घटना के पता ही नइ चल पावे। ये एक अउ बहुत बड़का सफलता हावय, काबर के कथा कार्यक्रम अपन आखरी चरण म हावय अउ एमे दरस करइया के भीड़ अब लाखों के संख्या तक पहुंच चुके हावय। यदि ये महिला मनला पकड़े नइ जाजिस, त महंगा गहना, जेवरात, पर्स उक चोरी के बहुत अकन घटना घटित हो सकत रिहिस।