माइनस-17 डिग्री म 12500 फुट केदारकांठा चोटी म तिरंगा छत्तीसगढ़ के युवा

माइनस-17 डिग्री म 12500 फुट केदारकांठा चोटी म तिरंगा छत्तीसगढ़ के युवा

अंजोर.गरियाबंद। जिला के खेमराज साहू ह अपन टीम के संग माइनस-17 डिग्री तापमान म 12500 फुट केदारकांठा चोटी म लहराइस तिरंगा। मिशन केदारकंठा उत्तराखंड राज्य के खातिर निकले छत्तीसगढ़ के टीम डहर ले उत्तराखण्ड के उत्तर काशी जिला के चोटी 12500 फीट माउंटेन पीक के माइनस-17 डिग्री तापमान म बिहनिया 6:58 बजे फतह करे गिस अउ छत्तीसगढ़ महतारी के जयघोष के संग माँ भारती के जयघोष करे गिस। जेमा गरियाबंद जिला ले प्रतिनिधित्व करइया खेमराज साहू ह "अद्भुत गरियाबंद" के प्रतिनिधित्व करत अपन जिला के पर्यटन जगह भूतेश्वर नाथ धाम, कुलेश्वर नाथ मंदिर, पर्यटन जगह जतमाई, पर्यटन जगह घटा रानी, हीरा खदान देवभोग के प्रमोट करिन। येमा टीम बालोद ले रूपेश साहू, लोकेश साहू, रेवेन्द्र साहू, रायपुर ले लोकेश साहू, संस्कारधानी राजनांदगांव ले उमेश साहू,धमतरी ले ओमप्रकाश नेताम, जगदलपुर ले कुमारी नेहा ध्रुव, ज्योति बघेल, राजकुमारी मौर्य ये सबो छत्तीसगढ़ के टीम डहर ले 75 फीट के तिरंगा लहराये गिस। संगे संग रक्तदान, मरणोपरांत नेत्र दान अउ देहदान के पोस्टर के माध्यम ले संदेश दीस।