खुज्जी विधायक श्रीमती छन्नी साहू के अगुवई म प्रतिनिधिमंडल ह मुख्यमंत्री भूपेश बघेल ले करिस मुलाकात

अंजोर.रायपुर। मुख्यमंत्री भूपेश बघेल ले उंकर निवास कार्यालय म खुज्जी विधायक श्रीमती छन्नी चंदू साहू के अगुवई म आए एक प्रतिनिधिमंडल ह सौजन्य मुलाकात करिस। प्रतिनिधिमंडल ह मुख्यमंत्री के बताइन के राजनांदगांव जिला के तहसील छुरिया के गांव बादरा टोला म जंगल सत्याग्रह के बखत 21 जनवरी 1939 के अंग्रेज ले लड़त शहीद होए रामाधीन गोंड के शहादत के सुरता करत हर साल 21 जनवरी के शहीद दिवस मनाये जाथे। प्रतिनिधिमंडल ह ए साल गांव बादराटोला म आयोजित होवइया कार्यक्रम म सामिल होए के नेवता मुख्यमंत्री दीस। मुख्यमंत्री ह नेवता के खातिर प्रतिनिधिमंडल ल धन्यवाद दीस। प्रतिनिधिमंडल म गिरधारी लाल साहू, श्रीमती उषा चंद्रवंशी अउ गोपीदास साहू उक सामिल रिहिस।