मुख्यमंत्री मितान योजना : टोल फ्री नंबर 14545 म मिलथे 16 रकम के सेवा घर बइठे

मुख्यमंत्री मितान योजना : टोल फ्री नंबर 14545 म मिलथे 16 रकम के सेवा घर बइठे

अंजोर.रायपुर। धमतरी शहर के रिसाईपारा वार्ड के गृहणी श्रीमती सरिता साहू काफी खुश हावयं, के घर बइठे उंकर पैन कारड बनाये के प्रक्रिया मितान ह आके पूरा कर दीस। वो कहत हावयं के पैन कारड बनाये के खातिर टोल म नंबर 14545 म कॉल करे म मितान उंकर घर पहुंचिस अउ उंकर ले जरूरी दस्तावेज लेके पैन कारड बनाये के ऑनलाइन पंजीकरण प्रक्रिया पूरा कर दीस। मितान ह बताइन के तय समय म दे गे पता म पैन कारड आ जाही। पैनकार्ड बनाये के प्रक्रिया आसान होए ले श्रीमती साहू खुश होके कहे लगिस के पैनकार्ड के खातिर ओला कार्यालय म जाये के जरूरत ही नइ पड़ीस अउ सब आसानी ले होगे। येकर खातिर वो ह मुख्यमंत्री भूपेश बघेल के धन्यवाद देत कहत हावयं के मुख्यमंत्री मितान योजना हम गृहणी सहित आम लोगन के खातिर बरदान ले कम नइये, काबर के येकर जरिए जरूरी सेवा नागरिक ल घर बइठे मिलत हावय।

प्रदेश सरकार के चार साल पूरा होए के उपलक्ष्य म गौरव दिवस म 17 दिसम्बर 2022 के मुख्यमंत्री भूपेश बघेल ह मितान योजना म पैनकार्ड के खातिर पंजीयन कराये के सुविधा देके नागरिक ल एक अउ सौगात दीस। येकर तहत अब मितान घर आके पैनकार्ड बनाये जरूरी दस्तावेज संकलित करके आगू पंजीकरण के प्रक्रिया पूरा करत हावयं। 

पहिली जिहां 13 नागरिक सेवा मूल निवास परमान पत्र, जाति परमान पत्र, आय परमान पत्र, दस्तावेज के नकल के खातिर अनुरोध, गैर-डिजिटाइज्ड (भूमि रिकॉर्ड उक के प्रति), जन्म-मृत्यु परमान पत्र, बिहाव पंजीकरण अउ परमान पत्र, दुकान पंजीकरण, भूमि के जानकारी, जनम परमान पाती सुधार, मृत्यु परमान पाती सुधार, बिहाव परमान पाती सुधार, आधार कारड म मोबाइल नंबर अपडेटेशन के सुविधा दीस जा रेहे रिहिस। उहें मुख्यमंत्री भूपेश बघेल के पहल म एक नवंबर 2022 ले 5 साल तक के लइका के आधार पंजीयन अउ सबो उमर वर्ग के नागरिक के आधार म मोबाईल नंबर अद्यतन सुविधा सुरू करे गिस। अब मितान योजना म नागरिक सुविधा के दायरा बढ़ाते होइस पैन कारड बनाये के तको सामिल करे गे हावय। येकर ले लोगन के श्रम, समय अउ धन के बचत हो रेहे हावय संग ही परमान पाती के मिले करे के खातिर सरकारी दफ्तरों के चक्कर काटे ले तको निजात मिलत हावय।