अंजोर.बेमेतरा। भारत चुनाव आयोग डहर ले हरेक साल 25 जनवरी के राष्ट्रीय मतदाता दिवस के आयोजन करे जाथे। ए मउका म बेमेतरा जिला म 13 वें राष्ट्रीय मतदाता दिवस 2023 के आयोजन Nothing like voting, I vote for sure के थीम म 25 जनवरी के करे जाही।
राष्ट्रीय मतदाता दिवस 2023 के मउका म सबो सरकारी कार्यालय म अधिकारी/कर्मचारी ल मतदाता शपथ देवाइस जाही। जिला के सबो हायर सेकेण्डरी स्कूल अउ उच्च शिक्षण संस्था मन म मतदाता दिवस कार्यक्रम के मउका म आने-आने स्वीप गतिविधी जइसे के मतदाता जागरूकता रैली, रंगोली, निबंध, भाषण प्रतियोगिता उक के आयोजन करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।