मुख्यमंत्री शहरी स्लम स्वास्थ्य योजना ले मिलत हावय फोकट म ईलाज अउ जांच के सुविधा

मुख्यमंत्री शहरी स्लम स्वास्थ्य योजना 

अंजोर.रायपुर। मुख्यमंत्री भूपेश बघेल ह अइसे परिकल्पना के रिहिस के स्लम बस्ती मन म निवासरत लोगन के इलाज उंकर घर म ही हो। इही उद्देश्य के संग लागू के गे मुख्यमंत्री शहरी स्लम स्वास्थ्य योजना के माध्यम ले अब तक 39 लाख 76 हजार 285 लोगन के इलाज मोबाइल मेडिकल यूनिट के चिकित्सा दल डहर ले स्लम बस्ती मन म लोगन के घर के पास ही पहुंच के करे गे हावय।

योजना के तहत अब पूरा राज्य के नगरीय क्षेत्र के स्लम बस्ती मन म चिकित्सक, पैरामेडिकल टीम, मेडिकल उपकरण अउ दवई मन ले लैस 120 मोबाइल मेडिकल यूनिट पहुंच के लोगन के स्वास्थ्य सुविधा उपलब्ध करा रेहे हावय। ए योजना के माध्यम ले अब तक 9 लाख 18 हजार 484 मरीज मन के पैथालॉजी टेस्ट के सुविधा मुहैया कराइन के संग ही 33 लाख 65 हजार 323 ले जादा मरीज मन के फोकट म दवाएं दीस गे हावयं। योजना के तहत लाभान्वित मरीज मन म 2 लाख 64 हजार 973 मजदूर तको हावयं।

छत्तीसगढ़ शासन के नगरीय प्रशासन अउ विकास विभाग डहर ले संचालित मुख्यमंत्री शहरी स्लम स्वास्थ्य योजना के तहत अब तक राज्य के 169 नगरीय निकाय के स्लम बस्ती मन म 52 हजार 892 कैम्प लगाके लोगन के फोकट म जांच अउ उपचार करके दवई दीस हावयं। नगरीय प्रशासन अउ विकास मंत्री डॉ. शिवकुमार डहरिया ह विभागीय  अधिकारी मनको निर्देश दे हावयं के नगरीय क्षेत्र के तंग बस्ती मन के अउ आन जरूरत मंद लोगन के स्वास्थ्य परीक्षण करके ओला निशुल्क दवा उपलब्ध कराइन।

जानबा हावय के राज्य के 14 नगर निगम क्षेत्र के स्लम बस्ती मन म रेहे वाला लोगन के स्वास्थ्य सुविधा मुहैया कराइन के खातिर मुख्यमंत्री शहरी स्लम स्वास्थ्य योजना के पहिली चरण के सुरू 01 नवम्बर 2020 के होए रिहिस। येकर तहत 60 मोबाइल मेडिकल यूनिट डहर ले स्लम बस्ती मन म जाके लोगन के स्वास्थ्य परीक्षण अउ उपचार अउ दवा बाटे के सुरू के गे रिहिस। 31 मार्च 2022 के येकर विस्तार पूरा राज्य के नगरीय निकाय क्षेत्र म करे गिस अउ 60 अउ नवा मोबाइल मेडिकल यूनिट सुरू करे गे हावय।