21वां अखिल भारतीय अन्तर कृषि विश्वविद्यालय खेलकूद प्रतियोगिता म पदक विजेता ल सम्मानित करिन कुलपति डॉ. चंदेल

अंजोर.रायपुर। इंदिरा गांधी कृषि विश्वविद्यालय के खिलाड़ी मन ह जबरन प्रदर्शन करत भारतीय कृषि अनुसंधान परिषद डहर ले हिसार (हरियाणा) म आयोजित 21वीं अखिल भारतीय अन्तर कृषि विश्वविद्यालयीन खेल-कूद प्रतियोगिता म आने-आने प्रतियोगिता के ले दू स्वर्ण, एक रजत अउ एक कांस्य पदक अर्जित करत होइस प्रतियोगिता म छठवां ठऊर  हासिल करिन हावय। ए प्रतियोगिता म इंदिरा गांधी कृषि विश्वविद्यालय के प्रतिनिधित्व करत कृषि कॉलेज रायपुर के एम.एस.सी. एग्रोनॉमी के पढ़ईया विजय कुमार ह लम्बी कूद प्रतियोगिता म अउ एम.एस.सी. कृषि मौसम विज्ञान विभाग के पढ़ईया समीर कैमरो ह भालाफेंक प्रतियोगिता म स्वर्ण पदक हासिल करिन। इही रकम ले लम्बी कूद महिला प्रतियोगिता म कृषि कॉलेज बेमेतरा के पढ़इया लइका सुश्री नीलावती नाग ह रजत पदक अउ 1500 मीटर दौड़ प्रतियोगिता म कृषि कॉलेज राजनांदगांव के पढ़ईया राजेश कुमार सोरी ह कांस्य पदक पाइस। 

विश्वविद्यालय के खिलाड़ी दल के वापस लहुटे म उंकर स्वागत करे गिस। भाग लेवइया मन ह अधिष्ठाता पढ़ईया कल्याण डॉ. संजय शर्मा के अगुवई म कुलपति डॉ. गिरीश चंदेल ले सौजन्य मुलाकात करके ओला मिले पुरस्कार के बारे म जानकारी दीस। कुलपति डॉ. गिरीश चंदेल ह पदक विजेता खिलाड़ी के सम्मानित करिन। ओमन पदक विजेता खिलाड़ी के संग दल म सामिल सबो खिलाड़ी ल बधाई अउ सुभकामना देत भविष्य म अउ तको बढि़या प्रदर्शन करे के आशा व्यक्त करिस। ओमन विश्वविद्यालय म खेल अउ खिलाड़ी के विकास के खातिर प्रशासन ले हर संभव सहयोग के भरोसा दीस।

जानबा होवय के भारतीय कृषि अनुसंधान संस्थान डहर ले ए साल हिसार (हरियाणा) म 20 ले 24 फरवरी तक 21वीं अखिल भारतीय अन्तर कृषि विश्वविद्यालयीन खेल-कूद प्रतियोगिता के आयोजन करे गिस रिहिस। जेमा देश भर के 66 कृषि विश्वविद्यालय के टीम सामिल होए रिहिस। इंदिरा गांधी कृषि विश्वविद्यालय के खिलाड़ी के दल विश्वविद्यालय के क्रीडा अधिकारी डॉ. आर.के. ठाकुर अउ डॉ. सुबुही निषाद के अगुवई म प्रतियोगिता म सामिल होइ रिहिस। विश्वविद्यालय प्रशासनिक भवन म आयोजित सम्मान समारोह म विश्वविद्यालय के कुलसचिव जी.के. निर्माम, संचालक अनुसंधान सेवा डॉ. विवेक कुमार त्रिपाठी, निदेशक प्रक्षेत्र अउ बीजहा डॉ. एस.एस. टुटेजा, अधिष्ठाता कृषि कॉलेज रायपुर डॉ. जी.के. दास, लायजन अधिकारी डॉ. एल.एस. वर्मा, तकनीकी अधिकारी डॉ. बी.पी. कतलम, आने-आने छात्रावास अधीक्षक अउ विश्वविद्यालय प्रशासन के केऊ अधिकारी अउ कर्मचारी उपस्थित रिहिस।