शिल्प संस्कृति मंड़ई म सम्मानित होइस लोक कलाकार

शिल्प संस्कृति मंड़ई म सम्मानित होइस लोक कलाकार

अंजोर.रायपुर। संस्कृति विभाग अउ लोकधारा सांस्कृतिक संस्था, रायपुर के समिलहा तत्वावधान म 25 ले 27 फरवरी तक तीन दिवसीय  शिल्प संस्कृति मंड़ई 2023 के आयोजन करे गिस। ए मउका म पांरपरिक लोक कला, संस्कृति के संरक्षण, संवर्धन अउ सरलग विकास बर पहिली दिन मड़ई, गौरा-गौरी बिहाव, जैतखाम, वेशभूषा, श्रृंगार आभूषण, रैचूली झुला के प्रदर्शनी अउ सांस्कृतिक कार्यक्रम के आयोजन करे गिस। येकर संग ही श्रीमती शांति बाई चेलक डहर ले लोकगाथा पंडवानी, श्रीमती रेखा जलक्षेत्री डहर ले भरथरी, भोलाराम डहर ले नाचा गम्मत अउ शिवभोला नाच पार्टी ठाकुरटोला के प्रस्तुति होइस। दूसरा दिन जसगीत, लोकगीत, करमा, ददरिया अउ आने-आने सांस्कृतिक कार्यक्रम के प्रस्तुति दीस। इही रकम ले तीसरइया दिन बारामासी सांस्कृतिक लोक कलाकार मन के सम्मान समारोह आयोजित करे गिस।